Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд иргэн С.Баярмаа болон түүнд бараа нийлүүлдэг Х.Мөнх-Эрдэнэ нарт холбогдох эрүүгийн хэргийг шүүн хэлэлцжээ.
С.Баярмаа нь олон жилийн турш хар тамхины наймаа эрхэлсэн бөгөөд өмнө нь хоёр ч удаа хэрэг нь мөрдөн байцаалтад буцаж байжээ.
Харин өчигдөр түүнд холбогдох хэргийг хэлэлцэж, мансууруулах төрлийн бодис удаа дараа олж авч, хилээр гаргаж, бусдад худалдаалсан үндэслэлээр 10 жилийн хорих ял оноосон байна. Харин бараа нийлүүлдэг хамтрагчид нь хоёр жилийн хорих ял оноожээ. Х.Мөнх-Эрдэнийн хувьд өмнө нь Өршөөлийн тухай хуульд хамрагдаж байсан, тэнсэн харгалзах ялтай байх хугацаандаа ийнхүү дахин гэмт хэрэгт холбогдсон тул хорих шийдвэр гаргажээ.
