МАН-ын дэргэдэх НАМЭХ-ны гишүүн "Бишрэлт" группийн эзэн Б.Ундармаа 2016 оны сонгуульд Дорнод аймагт өрсөлдөхөөр болжээ. Тэрбээр 2012 оны сонгуулиар намын жагсаалтаар орж 14-т эрэмбэлэгдсэн билээ.

Мөн НАМЭХ-ны ерөнхийлөгч Ц.Цогзолмаа тойргоос бус намын жагсаалтаар УИХ-д орж магадгүй талаар эх сурвалж мэдээллээ. Мөн тус намын гишүүн Үндэсний цэцэрлэгт хүрээлэнгийн захирлаар ажиллаж байсан Б.Саранчимэг Баянзүрх дүүрэгт нэр дэвших яриа байгаа ч намын жагсаалтад орж магадгүй байгаа аж.

Харин АН-ын хувьд УИХ-ын гишүүн Ц.Оюунгэрэл улс төрийн карьераа өндөрлүүлж байгаа. Түүний оронд Ардчилсан эмэгтэйчүүдийн холбооны ерөнхийлөгчийн ажлаа өгч буй Ц.Оюунгэрэлийн оронд тус намын бүлгийн дэд дарга, УИХ-ын гишүүн С.Одонтуяа очиж магадгүй байгаа аж. Эх сурвалжийн мэдээлж буйгаар тус албан тушаалын төлөөх ширүүхэн өрсөлдөөн АН-ын эмэгтэйчүүдийн дунд өрнөж эхэлсэн бололтой. Тус албан тушаалд УИХ-ын гишүүн Л.Эрдэнэчимэг, Г.Байгальмаа, Б.Ургамалцэцэг, И.Нарантуяа гэх мэт хүмүүс өрсөлдөх гэнэ.

Т.Энхэлээ