Өмнөговь аймгийн ЗДТГ-аас жил бүр зохион байгуулдаг “Ингэний айрагны баяр 2016” ингэний сүү, цагаан идээ, тэмээний ноосон бүтээгдэхүүний үзэсгэлэн, худалдаа энэ сарын 22-23-нд Даланзадгад суманд болно. Цагаан сарын өмнө сүү, цагаан идээ, бусад хүнсний хангамжийг нэмэгдүүлэх, тэмээчдийн хөдөлмөрийг үнэлэх, тэмээн сүргийн үнэ цэнийг дээшлүүлэх зорилготой тус арга хэмжээнд бусад аймаг, сумын малчид, бизнес эрхлэгч, аж ахуйн нэгж ч оролцох боломжтой аж.

Үзэсгэлэн, худалдаанд хамгийн зохион байгуулалттай оролцсон сум, байгууллага, хамгийн олон нэр төрлийн бүтээгдэхүүн дэлгэсэн байгууллага, өндөр чанартай, өртөг багатай бүтээгдэхүүн үйлдвэрлэгч, шилдэг бүтээгдэхүүнийг шалгаруулах юм байна.