Монгол, Японы Гадаад харилцаа, аюулгүй байдал, батлан хамгаалахын асуудал эрхэлсэн байгууллага хоорондын ээлжит зөвлөлдөх уулзалт Токио хотод болжээ. 

Зөвлөлдөх уулзалтыг ГХЯ-ны Бодлого, төлөвлөлт зохицуулалтын газрын захирал Г.Амартүвшин ахалж, Ази, Ойрхи Дорнод, африкийн газрын дэд захирал Г.Бямбасүрэн, БХЯ-ны Гадаад хамтын ажиллагааны газрын дарга, бригадын генерал Ч.Сосорбарам, ҮАБЗ-ийн Ажлын албаны ахлах референт Батаа нар оролцсон байна.

Уулзалтаар хоёр орны Стратегийн түншлэлийг бэхжүүлж аюулгүй байдал, батлан хамгаалах салбарын хамтын ажиллагааг өргөжүүлэх, тэр дундаа Солонгосын хойгийг цөмийн зэвсэгээс ангид байлгах асуудлаар санал солилцов.