10.00 цагт: Төрийн ордны Их танхимд Ардчилсан эмэгтэйчүүдийн 4-р чуулганы нээлт болно. Чуулганд АН-ын дарга, УИХ-ын дарга З.Энхболд, АН-ын ЕНБД-ын үүрэг гүйцэтгэгч Л.Эрхэмбаяр нар оролцож үг хэлнэ

10.00 цагт: Сүхбаатар дүүргийн 109 дүгээр цэцэрлэгийн 100 хүүхдийн ортой өргөтгөл ашиглалтанд орж нээлтээ хийнэ.

11.00 цагт: БЗД-ийн 27-р хорооны нээлт 11:00 цагт болно. Тус хороо нь байгуулагдаад 6 жил болж байгаа хэдий ч өнөөг хүртэл хороогүй явсан бөгөөд 4 жилийн турш царцсан барилгаа энэ жил ашиглалтад оруулж буй юм.

11.00 цагт: Зууны мэдээ сонины Үндэсний мэдээллийн төвд Монголын хэрэглэгчдийн эрх ашгийг хамгаалан нийгэмлэгүүдийн холбооноос цахилгааны төлбөрөөс нэг тэрбум төгрөг завшиж хэрэглэгчдийг хохироосон талаар мэдээлэл хийнэ.

11.00 цагт: Монгол Улсын Ерөнхий сайдын тэргүүлсэн Олборлох үйлдвэрлэлийн ил тод байдлын санаачилгын Үндэсний зөвлөлийн 14 дүгээр хуралдааны талаар хэвлэлийн бага хурал Төрийн ордны Нутгийн удирдлагын танхимд болно. Энэ үеэр 2015 оны ажлын төлөвлөгөөний биелэлт, 2016 оны ажлын төлөвлөгөөний тухай мэдээлэл хийнэ.

11.00 цагт: Монголын сэтгүүлчдийн нэгдсэн эвлэлийн 65 жилийн ойд зориулсан үе үеийн удирдлагуудын дугуй ширээний уулзалт, ярилцлага Хууль зүйн үндэсний хүрээлэнгийн хурлын зааланд болно. 
 

11.30 цагт: Зууны мэдээ сонины Үндэсний мэдээллийн төвд "Оюутолгой" компани гэрээт компанийнхаа санхүүжилтийг өгөхгүй байгаагаас ажилчид цалингаа авч чадахгүй болсон талаар мэдээлэл хийнэ.
 

12.00 цагт: Зууны мэдээ сонины Үндэсний мэдээллийн төвд Геологийн төв лабораториос уул уурхайн компаниудад санал болгож буй шинэ тоног төхөөрөмжүүдийн талаар мэдээлэл хийнэ.

12.30 цагт: Хөдөлмөрийн Үндэсний Намын Их Хурал хоёр дахь өдрөө Дуурь Бүжгийн Эрдмийн Театрт үргэлжилнэ. Хурлаар 2016 оны Парламентын сонгуульд ХҮНам хэрхэн орох тухай мэдээлнэ.

16.00 цагт: “Интерном” номын дэлгүүрт "Намрын шөнийн зүүд", "Хайду хааны цадиг" зэрэг романуудаараа уншигч олны танил болсон МЗЭ-ийн гишүүн Санжаагийн Батжаргалын Монголын түүхэн сэдэвт "Их хайрын түүх" номын баяр болно.

18.00 цагт: Чингисийн талбай дээр ирвэс хамгаалах сангийн ажилтан Т.Лхагвасүмбэрэл агсны гэгээн дурсгалд зориулж 1000 зул өргөх ёслол болно.

“Мэргэжлийн зураачдын нэгдсэн үзэсгэлэн” нэгдүгээр сарын 18-28-ны өдрүүдэд “Blue Mon” арт галлерейд болно. Үзэсгэлэнд 50 орчим уран бүтээлчид оролцоно.