“Дэлхийн Энхийн Их Наадам”,  “Дэлхийн Монголчуудын чуулган”, “Дэлхийн Энхтайвны зөвлөл”, “Монголын Уламжлалын академи” зэрэг төрийн бус байгууллагуудын хамтран зохион байгуулж байгаа “PEACE AWARD 2015” ёслол хүндэтгэлийн ажиллагаа энэ сарын 21-ны өдөр болох гэж байна. Тав дахь жилдээ зохиогдож буй ёслолын ажиллагаа нь нийгэмд томоохон хувь нэмэр оруулж, бусдын сайн сайхан, улс орны эв нэгдлийн төлөө сэтгэл зүрх, оюун бодлоо зориулан зүтгэж буй нийгэм, улс төрийн болон сайн дурын зүтгэлтнүүдээс шалгаруулж “ЭНХИЙН ШАГНАЛТАН”-ыг тодруулдаг уламжлалтай.

“Peace award” ёслолын арга хэмжээг санаачлагч “Дэлхийн Энхийн Их Наадам” ТББ нь 2015 онд олон нийгмийн үйл ажиллагааг явуулсан байна.  

Тухайлбал, “Нийгмийн хөгжилд залуучуудын сайн дурын оролцоо“  Зүүн Хойд Азийн Чуулга Уулзалтыг БОНХАЖЯ, Монголын Сайн Дурынхны Байгууллагуудын Сүлжээ (СДБС), Монголын Залуучуудын Холбоо (МЗХ)-той хамтран 2015 оны 6 сарын 26-аас 7 сарын 2-ны өдрүүдэд “Улаанбаатар хотноо зохион байгуулжээ. Тус чуулганд давхардсан тоогоор 373 хүн оролцож, Сайн Дурынхны Байгууллагуудын Сүлжээний санаачилсан сайн дурын үйл ажиллагааны хуулийн төсөл болон үндэсний хөтөлбөрийг батлуулах ажлыг үргэлжлүүлэх, гарсан үр дүнг хэрэгжүүлэх хамтын ажиллагааны талбарыг үүсгэх зэрэг олон чухал шийдлүүдийг хэлэлцэн шийдвэрлэсэн байна.

Мөн монголчуудын хотын соёлыг төлөвшүүлэхэд багагүй хувь нэмэр оруусан Цэмцгэр Монгол наадмыг жил бүр зохион байгуулж ирснээс гадна "Бид хөгжлийн эзэд – IV” чуулга уулзалт, “Банкны зээлийн үйлчилгээг бизнес эрхлэгчдэд ойртуулах нь” зөвлөгөө уулзалт, Чадавхижуулах сургалт, "Жишиг гэр хороолол” төсөл,  “Peace award  2014” буюу “Энхийн шагнал” ёслолын арга хэмжээг бие даан амжилттай явуулж ирсэн байна. 

Т.Энхэлээ