БЗД-ийн 11-р хороонд өчигдөр 11:00-15:00 цагийн хооронд "Ногоон зоорины задгай тоотод хулгайч орсон байна” гэсэн мэдээлэл цагдаагийн байгууллагад иржээ. Мэдээллийн дагуу цагдаагийн байгууллагын алба хаагчид очиж  шалгахад, тус тоотод суух 44 настай эрэгтэй Ц-ийн монгол гэрийн тооноор СХД-ийн 10-р   хороонд суух 40 настай эрэгтэй Б  орж, дунд гарын мөнгөн аяга, “Болор” /0,75л/ архийг хулгайлсныг шуурхай эрэн сурвалжилж илрүүлжээ. Хэргийг БЗД-ийн цагдаагийн гуравдугаар хэлтэс шалгаж байна.    

Мөн БЗД-ийн 23-р хороо   “Сургуулийн ... тоотод 01-р сарын 17-ны 15:00 цагаас 18-ны 00:00 цагийн хооронд хулгайч орсон байна“ гэсэн мэдээллийг авч шалгахад, тус тоотод суух 37 настай эмэгтэй О -гийн байшингийн цонхыг хагалан, Дарьганга хийцийн улаан шүрэн шигтгээтэй мөнгөн хавчаар 2хос, 1 сая төгрөг алдагдсан хэргийг Архангай аймгийн Цэнхэр сумын 1-р багт суух 18 настай эрэгтэй Ж,  БЗД-ийн 23-р хороонд суух 18 настай эрэгтэй Г нар бүлэглэн хулгайлсныг шуурхай эрэн сурвалжилж илрүүлэн БЗД-ийн цагдаагийн гуравдугаар хэлтэс шалгаж байна.     

Сар шинийн баяр дөхөж буйтай холбоотойгоор айлаас алт, мөнгөн эдлэл хулгайлах тохиолдол ихээр бүртгэгдэж байна. Тиймээс иргэн та гэр, орон сууцаа эзэнгүй орхих тохиолдолд хөрш айлдаа захиж, анхаарал сэрэмжтэй байх хэрэгтэй юм.

Д.Дуулим