Энэ жил менингит өвчний дэгдэлт гарах өндөр магадлалтай байгааг мэргэжлийн байгууллагаас анхааруулж байна.

Тодруулбал Энэ жил улаанбурхан, томуу зэрэг өвчний дэгдэлт нэлээд байгаа бол сүүлийн үед менингит гарах өндөр магадлалтай байгаа аж. 

Уг өвчнөөр гол төлөв 0-5 насны хүүхэд өвчлөдөг байна. Уг өвчнийг эхэн үед нь мэдээгүй өнгөрөөж, эмчилгээ хийлгээгүй тохиолдолд хүндэрч, цахилгаан менингит буюу хамгийн хүнд хэлбэр рүүгээ шилжин, өвчтөн амиа алдах хүртэл аюултай гэдгийг эмч мэргэжилтнүүд анхааруулж байна.

Тиймээс вакцинжуулалтад хамрагдсанаар энэ өвчнөөс урьдчилан сэргийлэх бүрэн боломжтой. Урьдчилан сэргийлэх вакциныг ХӨСҮТ-ийн “Сайн дурын дархлаажуулалтын кабенит”-д хийдэг аж. Уг вакциныг хэдэн ч насны хүн хийлгэж болох бөгөөд зөвхөн халуурч байгаа болон ямар нэгэн халдварт өвчин туссан хүн хийлгэх боломжгүй гэсэн заалттай юм байна.

Түүнчлэн  гэрийн нөхцөлд уг өвчнөөс урьдчилан сэргийлэхийн тулд давс, царван, тамедины уусмалаар хоолойгоо тогтмол зайлж, хоолой буюу амны хөндийн эрүүл ахуйг сайтар сахих хэрэгтэй гэдгийг мэргэжилтнүүд зөвлөж байна.

Хэрэв таны ойр орчимд толгой нь хүчтэй өвдөж, өндөр халуурч, арьсан дээр цусархаг тууралт гарсан хүн байвал яаралтай эмнэлгийн байгууллагад хандаах хэрэгтэйг ч эмч нар анхаарууллаа.