Шарга, Хүйсийн говийн нутгаар цочир хүйтрэл болж, цасны зузаан нэмэгдэж зэрлэг амьтан болох харсүүлтий зээр, монгол бөхөн хорогдол гарч байгаа талаар сумдын байгаль хамгаалалч нар мэдээлэл ирүүлсэний дагуу дээрх нутгуудаар газар дээр нь 2016 оны 1 сарын 28-31-ны хооронд танилцаж ажиллалаа.

Шарга хүйсийн говийн нутгуудаар цасны зузаан сүүлийн 5 жилийн дунжаас 2-3 дахин их 14-17 см, салхи шуурга ороогүй битүү цасан бүрхүүлтэй, ажиллах үед өдөртөө 25-30 хэм хүйтэн, шөнөдөө 40-46 хэм хүйтэн хонож байлаа.

Байгаль хамгаалагчдын ярьж байгаагаар энэ жил идэш багатай, шөнөдөө хүйтэн ойрын 10 жил болоогүй хүйтэн өвөл болж байгаагаас хар сүүлт зээр, бөхөн ихээр хорогдож, айлын хот бараадан ирж үхсэн байдалтай тааралдаж байлаа.

Шаргын говь, халиуны хоолой, Төгрөгийн хүрэн гол орчимд зээр идэшгүй, харгана бутны толгой шагшуургалсан байгаагаас болж зээр бээрсэн байдалтай явж чадахгүй болж хөшсөн, мөн хэвтэр дээрээ хөлдөж үхсэн амьтад 20 гаруй таарлаа.

Хар сүүлтийн ооно, цагд /янзага/ ихээр хорогдож байна.

Иймд аймаг орон нутгийн зүгээс яралтай дээрх газруудад биотехникийн арга хэмжээ авах зардлыг шийдвэрлэх шаардлагатай байна.