Үндсэн хууль батлагдсаны 25 жилийн ойн ажлын хүрээнд хүүхдэд зориулсан Монгол Улсын Үндсэн хуулийн комикс ном, иргэдэд зориулан Монгол Улсын Үндсэн хуулийн багц ном болон "Монгол Улсын Үндсэн хууль-25 жил" баримтат кино хийхээр төлөвлөсөн байна. Энэ ажлыг Үндсэн хуулийн цэц хариуцан гүйцэтгэж байгаа бөгөөд Хууль зүйн яам, Гадаад хэргийн яам болон Шинжлэх ухааны академитай хамтран ойг тэмдэглэх бэлтгэл ажлыг эхлүүлээд байна. Өнөөдрийн байдлаар Үндсэн хуулийг монгол бичгээр, монгол, англи хэлээр тус тус хэвлэн иргэдийн гарт хүргэхэд бэлэн болгожээ.