09:30 цагт Хан-Уул дүүрэгт байрлах Хөдөлмөрийн ордон буюу ХЭҮСМҮТ-ийн байранд Монголд анх удаа байгуулсан Ажил мэргэжлийн мэдээллийн төвийн нээлтийн тууз хайчилна. Ёслолын ажиллагаанд Хөдөлмөрийн сайд Г.Баярсайхан, Швейцарийн Хөгжлийн агентлагийн суурин төлөөлөгч Маркус Валдфогел нарын хүндтэй эрхмүүд оролцоно. 

11:00 цагт Монгол Ньюс мэдээллийн төвд Монголын Сагсан бөмбөгийн холбооноос хэвлэлийн хурал зарлалаа.

11:00 цагт Зууны мэдээ сонины Үндэсний мэдээллийн төвд Монголын сагсан бөмбөгийн холбооны бүх гишүүдийн хурал болохтой холбогдуулан Үндэсний шигшээ багийн тамирчид дасгалжуулагчид мэдэгдэл хийнэ.

11:00 цагт МХЕГ-ын хурлын танхим. БНХАУ руу үхэр, хонь, ямааны мах гаргах эрх авсан нэр бүхий аж ахуйн нэгжүүдийн төлөөллийг МХЕГ-ын даргын үүрэг гүйцэтгэгч Ц.Шаравдорж хүлээн авч уулзана. Батламжийг нь гардуулна. 

11:30 цагт Зууны мэдээ сонины Үндэсний мэдээллийн төвд Ард түмнээ хайрлая намын дарга Л.Гүндалай цаг үеийн асуудлаар мэдээлэл хийнэ.

12:00 цагт УБТЗ-ын төв байранд УБТЗ-ын дарга Л.Пүрэвбаатар, "Хавдрын үндэсний зөвлөл" ТББ-тай 3 жилийн хугацаатай хамтын ажиллагааны гэрээнд гарын үсэг зурна.

12:00 цагт Баруун дөрвөн замд байрлах Барилгын Политехник коллежид Герман, Австрали, Швейцарийн Засгийн газрын санхүүжилтээр хэрэгжиж буй төслийн хүрээнд Германд хэрэглэж буй дөрвөн мэргэжлийн 88 сурах бичгийг монгол хэлнээ орчуулан Монголын сургуулиудад бэлэглэж буй юм. Хэвлэлтээс дөнгөж гарсан шинэхэн сурах бичгийг хүлээлгэн өгөхөөр Хөдөлмөрийн сайд Г.Баярсайхан, ХБНГУ-аас Монголд суугаа Элчин сайд Герхард Тийдеманн, Австралийн Элчин сайд Ж.Лангтри нарын албаны хүмүүс оролцоно.