“Эрдэм транс” компанийн том оврын автобус Эмээлтийн төмөр замын гарам дээр хаалт буусан үед нэвтэрсэн гэрэл зураг өнөөдөр цахим ертөнцөд шуугиан тарьсан.

Тэгвэл Авто тээврийн үндэсний төвийн мэргэжилтнүүд уг гомдлын дагуу яаралтай шалгалт хийсэн байна.

Шалгалтын дүнд уг автобусыг Орхон-Улаанбаатар  чиглэлд зорчигч тээвэрлэж байсан 0607 УБЕ улсын дугаартай “Эрдэм Транс” компанийн автобус болохыг тогтоожээ. Тодруулбал, автобусны жолооч н.Мөнхжаргал нь замын хөдөлгөөнд оролцох үедээ хариуцлага алдаж, дотоод хяналтын шалгалтыг хэрэгжүүлээгүйгээс уг зөрчлийг гаргажээ.

Тиймээс Авто тээврийн үндэсний төвөөс шалгалт хийн хариуцлага алдсан жолоочийг ажлаас нь халж, “Эрдэм Транс” компанийн албан хаагчдад захиргааны хариуцлага тооцохоор болсон байна.