Ус цаг уурын эрдэм шинжилгээний хүрээлэнгийн мэргэжилтнүүдийн гаргасан тоймоор бол энэ долоо хоногт ихэнх нутгаар хүйтний эрч чангарах ажээ. Тодорхой хэлбэл, төвийн нултийн ихэнх, баруун зүгийн нутгийн зүүн, говийн нутгийн хойд, зүүн зүгийн нутгийн баруун хэсгээр цас орж, шуурга шуурна.

22-нд нутгийн зүүн хэсгээр, 23-нд нутгийн өмнөд хэсгээр, 24-нд нутгийн хойд хэсгээр, 25-нд зарим газраар цас орно. Салхи 22-нд говь талын нутгаар, 24-нд зарим газраар секундэд 12-14 метр хүрч ширүүснэ. Хүйтэрч Завхан голын эхээр шөнөдөө 42-47 , өдөртөө 33-38 хэм, Увс нуур болон Дархадын хотгор, Идэр, Тэс голын хөндийгөөр шөнөдөө 37-42, өдөртөө 24-29 хэм, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын сав газраар шөнөдөө 29-34, өдөртөө 17-22 хэм хүйтэн байхыг цаг уурын мэргэжилтнүүд тооцоолон гаргажээ. Улаанбаатар хотын хувьд энэ долоо хоногт шөнөдөө дунджаар 24-26 хэм, өдөртөө 12-14 хэм хүйтэн байх юм байна.