МҮЭ-ийн эрхэнд халдаж байсныг шүүх эцэслэн тогтоожээ.

Тодруулбал, Монголын боловсрол, шинжлэх ухааны үйлдвэрчний холбоо, Улаанбаатар хотын үйлдэврчний эвлэлүүдийн холбоо, Монголын эрүүл мэндийн ажилтны үйлдвэрчний эвлэлийн холбоонуудын нэхэмжлэлтэй Нийслэлийн Засаг даргын орлогч Ц.Энхцэнгэлд холбогдох Нийслэл дэх захиргааны хэргийн анхан шатны шүүхийн 2015 оны 10 дугаар сарын 16-ны өдрийн 677 дугаар шийдвэр, Захиргааны хэргийн давж заалдах шатны шүүхийн 2015 оны 12 дугаар сарын 17-ны өдрийн 585 дугаар магадлалтай захиргааны хэргийг хариуцагчийн итгэмжлэгдсэн төлөөлөгчийн гаргасан гомдлыг өчигдөр Дээд шүүх хэлэлцсэн байна.

Өөрөөр хэлбэл, Нийслэлийн Засаг даргын орлогч Ц.Энхцэнгэл тус эвлэлийн гишүүдийн өөрсдөө сайн дураар эвлэлдэн нэгдэж, эрх ашгаа хамгаалуулах үүднээс хураалгадаг байсан татварыг ҮЭ-д албан бичиг явуулж, бэлэн бусаар суутгах нь хууль зөрчсөн байна зогсоо хэмээгээд  байсан юм.

Тиймээс тэр албан бичгийг нь хууль бус гэж үзээд Үйлдвэрчний эвлэл шүүхэд хандсан аж. Ингээд Давж заалдах шатны шүүх захиргааны байгууллага үйлдвэрчний эвлэлийн үйл ажиллагаанд хөндлөнгөөс оролцох ёсгүй гэж үзсэн Дээд шүүх давж заалдах шатны шүүхийн шийдвэрийг хэвээр үлдээсэн юм байна.