Түрээсийн орон сууц хөтөлбөр удахгүй хэрэгжиж эхэлнэ. Уг хөтөлбөрийн хүрээнд нийслэлийн иргэд "Буянт-ухаа 2" орон сууцны хорооллын 30-50 мкв талбайтай байрыг сарын 150-250 мянган төгрөгөөр түрээслэх боломжтой болох юм. Мөн түрээсэлж буй байраа ипотекийн зээлээр авах боломжтой.

Ингээд уг хөтөлбөрт хамрагдах шалгуур болон бүрдүүлэх материалын талаарх мэдээллийг хүргэж байна.

Түрээсийн орон сууц хөтөлбөрт хамрагдах боломжтой иргэд

- Залуу гэр бүл. 2016 оны нэгдүгээр сарын 1-ны өдрөөс өмнө гэрлэлтээ батлуулсан байх шаардлагатай.
- Ахмад настан. Тэтгэвэр тогтоолгосон.
- Байгалийн гамшиг, гэнэтийн осолд өртөж орон гэргүй болсон иргэд.

- Хөгжлийн бэрхшээлтэй иргэд
- Төрийн балбан хаагчид. Ажлын онцлогоос шалтгаалан хөдөө, орон нутагт шилжин ажилладаг.
- Хувиараа хөдөлмөр эрхлэгчид.
- 0-18 насны 4 ба түүнээс дээш хүүхэдтэй өрх толгойлсон эмэгтэй, эрэгтэй.

Түрээсийн орон сууцад хамрагдах иргэнд тавигдах шалгуур

 - Эрх зүйн бүрэн чадамжтай, 21 насанд хүрсэн
 - Тухайн орон нутагт түр буюу байнга оршин суудаг
 - Тогтмол орлоготой байх, орлого нь түрээсийн барьцаа, түрээсийн төлбөр болон сууцны ашиглалтын зардлаа төлөх боломжтой
-  Гэр хороололд амьдардаг, үндсэн өмчлөгчийн хувиар өөрийн өмчлөлийн инженерийн бүрэн хангамжтай орон сууцгүй.

Бүрдүүлэх бичиг баримт

-Иргэний цахим үнэмлэхний хуулбар /Оршин суугаа хаягийн болон ам бүлийн талаарх тодорхойлолт /тухайн баг, хороонд хэдэн жил амьдарч байгааг тодорхойлсон байна/
-Өргөдөл
- Орлого тодорхойлох баримт бичиг
-Өөрийн өмчлөлийн инженерийн бүрэн хангамжтай орон сууцгүй болохыг тодорхойлсон аймаг, дүүргийн эд хөрөнгийн эрхийн бүртгэлийн байгууллагын лавлагаа
-Байгалийн гамшиг, гэнэтийн аюулын нөлөөллөөс орон гэргүй болсон иргэд аймаг, нийслэлийн гамшгаас хамгаалах төрийн байгууллагын дүгнэлтийг хавсаргасан байна.

Т.Энхэлээ