Төрийн албан хаагч, "хурган дарга" нэгэн эрхэм гадаадын казинод тоглож байгаа бичлэг олон нийтийн цахим сүлжээгээр тархлаа.

Тодруулбал, Сангийн яамны Нягтлан бодох бүртгэлийн бодлогын газрын дарга Х.Пүрэвсүрэнгийн казинод тоглож байгаа бичлэг юм. Зөвшөөрөлтэй газар нь очоод зохих хууль журмын дагуу казино тоглох нь хувь хүний эрх. Гэвч төсвийн цалингаар амьдралаа залгуулдаг бусад ажилтан хийгээд иргэдээс ихээхэн шүүмжлэлд өртөөд байгаа аж.

Х.Пүрэвсүрэн нь өмнө нь АН-ын квотоор Сонгуулийн ерөнхий хорооны гишүүнээр ажиллаж байсан юм. Мөн Чингэлтэй дүүргийн даргаар ажиллаж байсан төдийгүй АН-ын ҮЗХ-ны гишүүн байсан нэгэн аж.