Зэвсэгт хүчний 337 дугаар ангийн "Ми 8" нисдэг тэрэг өнгөрсөн оны арванхоёрдугаар сарын 23-ны 20.40 цагийн үед Налайх дүүрэгт осолдож, ослын улмаас 17 жилийн турш зэвсэгт хүчинд залуу, халуун насаа зориулан ажилласан ахмад Б амиа алдаж, бусад 11 цэргийн алба хаагчид цэргийн госпиталд яаралтай мэс засалд орж, эмчлүүлж байгаад гарсан. Тэд сургалтын нислэгээр явж байгаад осолдсон байдаг.

Тэгвэл "Ми 8" нисдэг тэрэг осолдсон шалтгаан нөхцлийг ОХУ-ын мэргэжлийн байгууллагуудаар дүгнүүлжээ. Хариу нь ч ирсэн байна. Харин харъяа яам болон ЗХЖШ-ын удирдлага онгоцны хар хайргийн бичлэгт хийсэн дүгнэлтийг нууж буй сурагтай.  Дүгнэлтэд ослын шалтгааныг тухайн үед нисдэг тэргийг жолоодож явсан нисгэгчдийн буруугаас болсон тухай дурдсан байсан гэв.

Т.Энхэлээ