Цагдаагийн байгууллагад "Хан-Уул дүүргийн дөрөвдүгээр хороонд байрлах "Хүннү молл" их дэлгүүрийн дөрвөн давхрын өрөөний цонхыг хагалсан байна" гэх мэдээлэл өнгөрөгч шөнө 23:30 цагт иржээ.

Дуудлагын дагуу шалгахад тус дэлгүүрийн дөрвөн давхрын агааржуулалт, хөргөлтийн засвар хийгдэж байсан тасалгааны шилэн хаалгыг хагалан “Рефкон” ХХК-ийн цохилтой алх /молдок/-ыг хулгайлсан байжээ. Уг хэргийг Хан-Уул дүүргийн есдүгээр хороонд оршин суух хаягтай 30 настай, эрэгтэй Б үйлдснийг шуурхай илрүүлэн шалгаж байгаа аж.