Сонгууль ойртох тусам УИХ-ын суудал горьлогчид хачин чигтэй үйлдэл гаргах болсон.

Тухайлбал, улс төрчид нь урлагруу урваж, спорт урлаг соёлынхон нь улс төрчид шиг ярьж эхлээд байна. Харин УИХ-д суугаа зарим нэг нь уул усандаа өргөл барьж өргөж, уул усны савдгаас УИХ-ын суудалд маань үлдээгээч ээ гэж гуйж залбирдаг болсон гэнэ шүү. Тэдний нэг нь УИХ-ын гишүүн Н.Алтанхуяг. Тэрээр сүүлийн үед чухам л “Бурхан халдун” хайрхан руу гүйдэлтэй болсон сурагтай.

Энэ тухайгаа өөрийн цахим хуудаснаа “Бурхан Халдун ууландаа 10 дахь удаагаа гарлаа. Энэ хайрханд очиход улс үндэстнээ нэгтгэж, дэлхийг донсолгож чадсан хүчирхэг Монголчуудаараа бахархах сэтгэл төрдөг юм. Өнөөдөр ч гэсэн бид чадах мэдэхээ нэгтгэж Монголынхоо төлөө хамтран зүтгэж, хөгжих учиртай” хэмээн бичиж баталгаажуулжээ.

Дашрамд дуулгахад, 2013 оны хавар Н.Алтанхуяг Ерөнхий сайд байхдаа Бурхан халдун ууланд авирч явсан хүмүүстэйгээ төөрч нэлээдгүй шуугиан дэгдээж байлаа. Тэднийг шуурхай эрэн сурвалжлах ажиллагаанд 14 сая орчим төгрөг зарцуулж байсан гэдэг юм билээ.

Иймэрхүү сонгогч олондоо өөрийгөө сануулах гэсэн хачин чигтэй үйлдлүүд сонгуулийн чимээ ойртох тусам олшрох байхдаа.

Эх сурвалж: gereg.mn