“Эрүүл-Монгол клуб”-ээс өнөөдөр мэдээлэл хийж, Ерөнхий сайдад шаардлага хүргүүлж буйгаа дуулгав. Тэд эрүүл мэндийн салбар сэхээнд орчихсон, үйл ажиллагаа явуулах алсын бодлого, мэргэжлийн удирдлага байхгүй дээсэн дөрөөн дээр дэнжигнэж байна гэдгийг мэдэгдсэн юм. 

Мөн эрүүл мэндийн салбарын нэр хүнд, тэнд ажиллаж буй эмч, мэргэжилтнүүдийн нийгэмд эзлэх байр суурь, үнэлэмж огт байхгүй, хүний нөөцийн бодлого алдагдсан зэргээс үүдэж, үйл ажиллагаагаа цаашид үргэлжлүүлэх боломжгүй болж байна хэмээсэн. 
 

Тиймээс “Эрүүл-Монгол клуб”-ийнхэн дээрх асуудлуудыг нэн даруй шийдэх, эрүүл мэндийн салбарыг хөл дээр нь босгох, сэхээнээс гаргаж, цааш үргэлжлүүлэн авч явах эрхзүйн чадамжтай, мэргэжлийн, мэргэшсэн, салбарын менежерийг сонгон томилохыг Ерөнхий сайд Ч.Сайханбилэгээс шаардаж байгаагаа албан ёсоор мэдэгдлээ.