Баянзүрх дүүргийн цагдаагийн 3 дугаар хэлтсийн алба хаагчид хулгайн гэмт хэрэг хийсэн бүлэг этгээдийг илрүүлжээ. 

Уг хэрэгт сэжигтнээр М, Б, Д, Ө, О гэх этгээдүүдийг баривчилж мөрдөн байцаалтын ажиллагааг хийж байна.

Дээрхи этгээдүүд амар хялбар аргаар мөнгө олох зорилгоор БЗД-ийн 9, 23, 28, 20, 11 хороо СБД-ийн 20, ЧД-ийн 18 хорооны нутаг дэвсгэрээс иргэдийн орон байранд хууль бусаар нэвтэрч удаа дараагийн үйлдлээр ЛСД зурагт, зөөврийн комьпютер, алт, мөнгөн ээмэг бөгж, эдлэл, хөөрөг зэрэг эд зүйлийг хулгайлж их хэмжээний хохирол учруулсан бөгөөд мөрдөн байцаалтын явцад 50 гаруй үйлдлийг мэдүүлээд байгаа аж.  

       Тухайн хэрэгт сэжигтнээр татагдан шалгагдаж байгаа М, Б, Д нар нь өмнө нь хулгай, танхайн хэргээр ял шийтгэгдэж байсан. 2015 оны 11 дүгээр сарын 09 ний өдөр Өршөөл үзүүлэх тухай хуулиар суллагдсан байна.

       Дээрхи этгээдүүдийн хулгай хийсэн эд зүйлийг Ломбард болон орон байрнаас нь хураан авсан бөгөөд одоогоор 124 нэр төрлийн эд зүйл бүртгэгдэн хураан аваад байгаа аж. Тиймээс БЗД-ийн 9, 23, 28, 20, 11 хороо СБД-ийн 20, ЧД-ийн 18 хорооны нутаг дэвсгэрт халдагад өртөж, эд зүйлээ хулгайд алдсан иргэд БЗД-ийн цагдаагийн 3 дугаар хэлтэст хандана уу хэмээн тус цагдаагийн газраас мэдээллээ.