Увс аймгийн ихэнх нутгаар өчигдөр шөнөөс эхлэн хүчтэй цасан шуурга шуурч, байгалийн гамшигт үзэгдэл болжээ.

Үүнтэй холбоотойгоор аймгийн Засаг дарга тээврийн хэрэгслийн хөдөлгөөнийг түр хугацаагаар хязгаарлах шийдвэр гаргасан байна. Тодруулбал, Улаангом сумаас гадагш гарах автомашины хөдөлгөөн, сумдаас Улаамгом сум болон бусад чиглэлд зорчих автомашиныг хөдөлгөөнийг өнөөдрөөс буюу энэ сарын 3, 4-ний өдрүүдэд хязгаарлахаар болжээ.

Цаг агаарын гамшигт үзэгдэл нь баруун Сибирээс шилжин ирж байгаа бага даралтын оронтой холбоотой бөгөөд энэ бага даралтын орон нь өнөө шөнө баруун аймгуудын нутгаар орж ирээд, Хангайн нурууг давж,Орхон, Сэлэнгийн сав газарт гүнзгийрч өндрийн бага даралтын орон үүсэх нөхцөл бүрэлдэж байгаа гэдгийг Цаг уур, орчны шинжилгээний газраас мэдээлээд байгаа юм.