Дэлхий даяар жил бүрийн гуравдугаар сарын 2 дахь долоо хоногийн Пүрэв гаригт “Бөөр хамгаалах өдөр”-ийг тэмдэглэн өнгөрүүлдэг бөгөөд анх 2006 онд Олон Улсын Бөөр Судлаачдын Нийгэмлэг бөөрний өвчний эсрэг авах арга хэмжээг сайжруулах зорилгоор уг өдрийг тэмдэглэж эхэлсэн байдаг байна. Түүнээс хойш өдгөө 200 гаруй улс энэ өдрийг тэмдэглэж байна. Манай улсад анх 2009 оноос тэмдэглэж эхэлсэн юм.

Дэлхий дээр 600 гаруй сая хүн бөөрний архаг өвчтэй амьдарч байгаа ба эдгээр хүмүүсийн эмчилгээнд эрүүл мэндийн салбарын нийт төсвийн 80 орчим хувийг зарцуулдаг байна. Тиймээс урьдчилан сэргийлэх асуудалд дэлхий нийтийн анхаарлын төвд байна. Манай орны хүн амын дунд бөөр шээсний замын өвчин их байгаа бөгөөд түүний эцсийн хүндрэл болох бөөрний архаг дутагдал ихсэж өвчтөний амь насанд аюул учирч олон тооны хүн гадаад дотоодод өндөр өртөг зардал бүхий эмчилгээ хийгдэх боллоо. Эрүүл мэнд, спортын яамны мэдээгээр бөөрний архаг өвчин нь хүн амын сүүлийн таван жилийн дүнгээр 3-р байранд, хэвтэн эмчлэгсдийн шалтгаан дундаас тэргүүлэх байрыг эзэлж байна. Тиймээс эрүүл, мэндийн салбарынхан бөөрөө хамгаалах, урьдчилан сэргийлэх талаарх хүмүүсийн мэдлэгийг дээшлүүлэх арга хэмжээг жил бүр уламжлал болгон зохион байгуулж байгаа юм.

Тус эмнэлэг нь бөөрний мэргэшсэн эмч нартайгаас гадна хамгийн сүүлийн үеийн тоног, төхөөрөмж, аппаратаар иргэдэд үйлчилгээ үзүүлдэг юм. Байгуулагдаад нэг жил болж буй ч 5 000 орчим хүнд амбулатори, хэвтэн үйлчлүүлэх болон өдрийн эмчилгээний үйлчилгээг, нийт 105 хүнд гемодиализын 1 441 сеанс эмчилгээг хийсэн бөгөөд давхардсан тоогоор нийт 31 300 гаруй хүнд лабораторийн оношлогоо үйлчилгээг хийж гүйцэтгэжээ.

Япон улсын эрүүл мэндийн үйлчилгээний дэвшилтэт туршлага, орчин үеийн оношилгоо эмчилгээ, техник, технологи, стандартыг нэвтрүүлсэн Монгол-Японы хамтарсан анхны нэгдсэн эмнэлэг болох "Улаанбаат мед" эмнэлэг нь Эх хүүхдийн эрүүл мэндийн үндэсний төвийн баруун хойд талд  байрлах Магнай трейдын бензин колонкийн зүүн хойд талд байрлаж байна. Эмнэлэгийн талаарх дэлгэрэнгүй мэдээллийг энд дарж үзнэ үү.

Т.Энхэлээ