Өнгөрсөн жил ихэнх нутгаар гандуу байсан учир газар тариалангийн салбар бүхэлдээ хүнд байдалд орсон тул энэ хаврын тариалалтыг цаг хугацаанд нь хийх асуудал тариаланчдын өмнө хүнд сорилт болоод байна.
Улсаас тариаланчдыг дэмжих бодлого хэрэгжүүлэх талаар ярьж байгаа ч энэ нь удаашрах хандлагатай, яг хэрэгтэй цагтаа дэм болж чадахгүй байж магадгүй болох гээд байгааг өнөөдөр болсон тариаланчдын зөвлөгөөний үеэр ярьжээ.
Тодруулбал, цаг агаар тогтворгүй байснаас өнгөрсөн жил Монгол Улс 513 мянган га талбайд тариалсан нийт ургацаасаа 215 мянган тонн үр тариаг хураан авсан. Хураан авсан нийт үр тарианы 203 тонн нь улаан буудай байжээ.
Гэхдээ дээрх тооны улаан буудай нь дотоодынхоо нэг жилийн хэрэгцээнд хүрээгүй. Иймээс дутагдах 125 мянган тонн буудай, 40 мянган тонн гурилыг гаднаас импортлох шийдвэрийг салбарын яам нь гаргасан байна.
Монгол Улсад нэг жилд 320-350 мянган тонн хүнсний улаан буудай шаардлагатай. Хүнс хөдөө аж ахуйн яам тооцооллоор 30 орчим мянган тонн гурил байвал дотоодын нэг жилийн хэрэглээг хангах юм. Улсын хэмжээнд 1400 орчим аж ахуйн нэгж, иргэн тариалалт эрхэлдэг ажээ. Харин энэ жилийн тариалалт ирхэ сараас эхэлнэ.
