УДЭТ-ын уран бүтээлчид "Театр, үзэгч” хөтөлбөр санаачлан, хэрэгжүүлж буй. Хөтөлбөрийн хүрээнд “Ирээдүйн үзэгчдээ бэлтгэе”, ‘Театрт тавтай морил”, “Тоглолтын дараа”, “Нэг нарны дор“ зэрэг арга хэмжээг тогтмол зохион байгуулж байна. Үүний эхлэл болгож “Тоглолтын дараа” үзэгч, уран бүтээлчдийн уулзалтаа зохион байгуулж эхэлжээ. “Сонгодог жүжгийн өдрүүд”-ийн хүрээнд энэ сарын 10,  11-нд “Кихот ноён”, 13-нд “Эдип хаан”, 17-нд “Нора”, 26-нд “Гамлет” жүжгийг толилуулах юм. Тоглолт бүрийн дараа үзэгч, уран бүтээлчдийн уулзалт болох бөгөөд УДЭТ-ын уран сайхны удирдагч, Төрийн шагналт, жүжигчин Н.Сувд, Урлагийн гавьяат зүтгэлтэн, найруулагч Ч.Найдандорж, Б.Баатар, Төрийн шагналт, найруулагч Н.Наран- баатар, найруулагч Ч.Түвшин болон уран бүтээлчдийн төлөөлөл зохион байгуулах аж.