Монгол Улсын зургаан иргэн 30 орчим мянган ам.долларын гар утас, эд зүйл, бараа бүтээгдэхүүн хулгайлсан хэргээр гадаадад саатуулагджээ. Эдгээр иргэн гэмт хэрэг үйлдсэн нь камерын бичлэгээр баталгаажсан байна.

Хэргийг шалгах ажиллагаа үргэлжилж байгаа аж. Мөн түүнчлэн манай улсын дөрвөн иргэнийг гуравдугаар сарын 12-нд Японы цагдаагийн байгууллагаас орон байрны хулгайн хэрэгт сэжиглэн саатуулжээ. Тэднийг өнгөрсөн оны сүүлчээс эхлэн 10 гаруй ийм төрлийн хэрэг үйлдсэн байж болзошгүй гэж сэжиглэн хэргийг шалгаж байна. Мөрдөн байцаалтын явцад гурван иргэн нь хэрэг үйлдсэн гэдгээ хүлээн зөвшөөрсөн. Харин нэг иргэн нь хэргийг үйлдээгүй гэж мэдүүлсэн байгаа юм. Иргэдийн зүгээс манай улсын Элчин сайдын яаманд өөрсдийн мэдээллийг хүргэхгүй байх хүсэлтийг Японы талд гаргажээ.