ТОСК-ийн захирал А.Гантулга ажлаа хүлээлгэн өгөх гэж буйгаа мэдэгджээ. Тэрбээр энэ талаар  "Нийслэлийн Иргэдийн Төлөөлөгчдийн хурлын сонгуульд нэр дэвших учраас хуулийн хүрээнд ажлаа өгнө. Бидний дээр хууль байгаа учраас хуулиа л дагана.

Би ТОСК-ийн захирлаар ажиллаж байх хугацаандаа ямар ч байсан орон сууцны зээлийг найман хувь болгож, бодитой ажил болголоо. Удтал ярьсан Түрээсийн орон сууц хөтөлбөрийг эхлүүллээ. Удахгүй айлууд нь байрандаа орох гэж байна. Хотод Буянт-Ухаа 1, 2, хорооллыг ашиглалтад оруулж, аймгуудад мянган айлын орон сууц хөтөлбөр хэрэгжүүллээ. Энэ мэтээр тоочвол хийсэн эерэг сайн ажил олон байна. Энэ бүх ажил цаашид үргэлжлэх ёстой. Би энэ хугацаанд ажиллахдаа салбарын гурван сайдын нүүр үзлээ. Тийм учраас эерэг сайн ажил үргэлжлэхэд тогтвортой байдал хамгийн чухал гэдгийг үнэндээ сайн ойлгосон. Тиймээс би эхлүүлсэн энэ ажлаа үргэлжлүүлэх тогтвортой байдлын төлөө, энэ салбарын бодлогоо хамгаалж, өргөдлөө өгнө, сонгуульд өрсөлдөнө" гэсэн байна.

Т.Энхэлээ