Монголтой уул уурхайгаар холбогддог "Рио Тинто"-ийн гүйцэтгэх захирлаар ажиллаж буй Сэм Уолш ирэх долдугаар ажлаа хүлээлгэн өгөхөөр болжээ. Харин түүний оронд Жан Себастьян Жак томилогдох юм байна. Тэрбээр эхний ээлжинд "Рио Тинто" компанийн ТУЗ-ийн гишүүн, гүйцэтгэх захирлын орлогчоор томилогдсон байна. Өмнө нь тус компанийн зэс, нүүрсний группийн гүйцэтгэх захирлын албыг хашиж байжээ. Монголд хэд, хэдэн удаа ирсэн тэрбээр Монгол улсын Засгийн газартай хамтран Оюутолгойн далд уурхайн бүтээн байгуулалтын санхүүжилт болох 4.4 тэрбум ам долларыг шийдэхэд гол нөлөө үзүүлсэн мэргэжилтэн юм. Тэрбээр зэсийн гаралтыг нэмэгдүүлэх бодлого баримталж ажиллана гэдгээ энэ үеэр мэдэгдсэн юм.