Сүхбаатар аймгийн Эрдэнцагаан болон Дорнод аймгийн Матад сумын заагт орших Загийн хоолой гэдэг газар өчигдөр үдээс өмнө 12.00 цагийн орчимд түймэр гарчээ.
Түймрийн улмаас тус нутагт хаваржиж байсан малчин айлын гэр болон малын хашаа бүхэлдээ шатсан байна. Малын хашаанд ойролцоогоор 60 орчим бог мал хашаатай байсан аж. Түймрийн үеэр гэрийн эзэд гэртээ байгаагүй бөгөөд хүний амь нас эрсдээгүй боловч одоогийн байдлаар галыг бүрэн унтрааж чадаагүй байна хэмээн тус аймгийн ОБГ-аас мэдэгдлээ.
