УИХ-ын гишүүн Х.Баттулгын туслах “Түмэн хишигтэн”-гийн захирал Ш.Эрдэнэтуяаг энэ сарын 16-ны өдрийн 04.00 цагийн орчимд гэрээс нь баривчилсан билээ.

Тэгвэл түүнийг баривчилсан өдөр буюу баасан гаригт саатуулан, шалгаад сулалсан байна. 

Дашрамд өгүүлэхэд Х.Баттулгын туслах Г.Түвшинжаргалыг мөн тухайн өдөр Цагдаагийн ерөнхий газрын Эдийн засгийн гэмт хэрэгтэй тэмцэх тасгийн ажилчид баривчилж, Шүүхийн шийдвэр гүйцэтгэх Ерөнхий газрын харьяа Цагдан хорих 461 дүгээр ангид саатуулсан билээ.

Тэднийг улсаас их хэмжээний мөнгө шамшигдуулсан, мөнгө угаасан хэргээр зүйлчилжээ. Энэ хэрэгтэй холбогдуулан Г.Түвшинжаргалыг хорих эсэхийг шийдэх шүүх хурал Баянзүрх дүүргийн шүүхэд баасан гаригт болж, дахин 14 хоног хорих шийдвэр гаргасан юм.