30 жилийн түүхтэй Хөтөлийн цемент шохой ХК хуурай аргын технологийг нэвтрүүлснээсээ хойш нэг сая тонн цемент үйлдвэрлэжээ. Хөтөлийн “Цемент шохой” ХК  хуурай аргын технологийг өнгөрсөн 2014 онд нэвтрүүлж, өндөр чанарын цемент үйлдвэрлэж эхэлжээ. Байгуулагдсан цагаасаа хэрэглэж ирсэн  нойтон аргын технологи нь 29 жилийн хугацаанд үйлдвэрлэсэн 4.3 сая тонн цементтэй харьцуулж хэлвэл өнгөрсөн  хоёр жил тус компанийн үйлдвэрлэлийн үсрэнгүй үе байсныг илэрхийлнэ. Энэ талаарх мэдээллийг тус  компанийн  Гүйцэтгэх захирал А. Шоовдор Хөтөлийн  цемент шохой ХК, болон тус үйлдвэрийн бүтээгдэхүүний гол худалдан  авагчидтай хийсэн  “Үйлдвэрлэгч-Хэрэглэгчийн”  уулзалтын  үеэр хэлсэн юм. Түүнчлэн хоёр жилийн дараа хүчин чадлаа дахин нэг тонноор  нэмэгдүүлэхээр төлөвлөж байгаагаа ч илэрхийлж байсан юм.

Уулзалт энэ сарын 18-ны өдөр  Сэлэнгэ аймгийн Сайхан суманд орших Хөтөл ХК-ийн байранд боллоо. Хаврын их ажлын өмнө хэрэглэгчид үйлдвэртэйгээ гэрээ, хэлэлцээрээ байгуулж, үнэ болон чанарын талаар мэдээлэл солилцохоор цугласан  тус арга хэмжээнд УИХ-ын гишүүн,  Аж үйлдвэрийн сайд Д.Эрдэнэбат болон Хөтөл ХК-ийн холбогдох удирдлагууд, монголын барилгын материал хэрэглэгчдийн холбоо, цемент хэрэглэгчдийн төлөөлөлөөс бүрдсэн 80 орчим хүн  оролцлоо.

Тэрбээр энэхүү уулзалтын үеэр  цемент хэрэглэгчид болох барилга, зам, бетон, блок зэрэг үйлдвэрлэл эрхлэгчидтэй уулзан, үйлдвэрлэлийг дэмжих Засгийн газрын  бодлого хэрхэн хэрэгжих талаар мэдээлэл өгөв.  “Дотоодын  эдийн засгийн  цусны эргэлтийг сайжруулахын тулд үндэсний үйлдвэрлэгчдээ дэмжих ёстой. Монголыг монголчууд л хөгжүүлнэ. Гадаадын хөрөнгө оруулалт зөвхөн уул уурхайн салбарт л байсан. Сүүлийн  25 жилийн хугацаанд  нэг ч гадаадын шууд хөрөнгө оруулалт боловсруулах  үйлдвэрт орж ирээгүй. Харин энэ ажлыг үндэсний үйлдвэрлэгчид хийж байна. Үүний тод жишээ нь Хөтөлийн цемент шохой үйлдвэр. Яг үүний жишгээр бусад  дагалдах  үйлдвэрүүд болон  нефть боловсруулах, зэс баяжуулах гэх мэт  мега төслүүд хөдлөх  ёстой.  Үүний тулд  Аж үйлдвэрийн  яам ажиллана. Гагцхүү үнийн асуудал дээр эргэлзээ байгаа. Эдийн засгийн хүндрэлтэй энэ цаг үед эрэлт, нийлүүлэлт аль, аль талдаа бэрхшээл байгаа. Үүнийг шийдэхийн тулд бидэнд үнийг тогтвортой барих зайлшгүй шаардлага байна ” гэсэн  юм.

Харин Үйлдвэрлэгч - Хэрэглэгчийн”- уулзалт  оролцож буй үйлдвэрлэгчдийн хувьд Засгийн газраас хэрэгжүүлж буй ипотекийн зээлийг тогтвортой үргэлжлүүлэх, хийт  бетоны дотоодынн зах зээлийг хамгаалж өгөх.хэрэгтэй байна. Үүнээс гадна Хөтөл цемент шохойн үйлвэр үнээ тогтворжуулах асуудлыг анхаарч үзээд, цаашдаа савлагааны асуудлыг хэрэглэгчдийн хүсэлт, хэрэгцээнд таарсан байдлаар зохицуулалт хийж боломжтой эсэхийг асуусан юм.  үзэхийг хүсч байсан юм. Түүнчлэн үйлдвэрлэгчдийн бизнесийн үйл ажиллагааг төрийн бодлогоор үргэлжлүүлэн дэмжиж өгөхийг хүсч байлаа.

Мөн Аж үйлдвэрийн сайд Д.Эрдэнэбат Сэлэнгэ аймгийн сайхан Суманд ажиллах үеэрээ УБТЗ-ын харьяа Хөтөл-ийн Төмөр бетон дэрний үйлдвэр, “Дорнын өргөө” хийт бетоны үйлдвэр, “Жавхлант” гурилын үйлдвэрийн үйл ажиллагаатай танилцсан юм. Эдгээр үйлдвэрийн зарим нь Чингис бонд, ЖДҮ-ийг дэмжих  сан зэргээс санхүүжилт авч, эргэлтийн хөрөнгө үүсгэсэн  аж.