11:00 цагт МЗХ-ны Залуус Танхимд Монголын Залуучуудын Холбоо гуравдугаар сарыг “Бизнесээ чөлөөлье” сар болгон зарласны хүрээнд үндэсний үйлдвэрлэгч, бизнес эрхлэгчдийн “Бизнесээ чөлөөлье” хэлэлцүүлэг, үзэсгэлэн яармаг болно. Хэлэлцүүлгээр эрхлэгчдэд тулгамдаж буй асуудлыг хэлэлцэн, цаашид бизнес эрхлэгчид хамтран ажиллах боломжийг бүрдүүлж, санал солилцоно.
11:00 цагт “Дэлхийн усны өдөр”-ийн Хэвлэлийн бага хурал Нийгмийн эрүүл мэндийн хүрээлэнгийн 2 давхарт болно. Энэ үеэр усны талаарх хүссэн мэдээллээ Ус сувгийн удирдах газар, Хот, суурины ус хангамж, ариутгал, татуургын ашиглалт, үйлчилгээг зохицуулах зөвлөл, Туул газрын сав газрын захиргаа, Нийгмийн эрүүл мэндийн хүрээлэн зэрэг газрын мэргэжилтнүүдээс авах боломжтой.
11:00 цагт Зууны мэдээ сонины Үндэсний мэдээллийн төвд Ардчилал Шударга Ёс Монголын Эмэгтэйчүүдийн холбооноос Дэлхийн усны өдөрт зориулан гол мөрөн бохирдож байгаа асуудлаар мэдээлэл хийнэ.
11:00 цагт Спорт ордоны 4 давхарын хурлын зааланд Монголын хоккейн шигшээ багийн тамирчид хэвлэлийн мэдээ өгнө.
12:00 цагт Зууны мэдээ сонины Үндэсний мэдээллийн төвд
Усан спорт сургалтын төв, Хүүхдийн урлан бүтээх төв, хүүхдийн эрхийг хамгаалах байгууллагууд хамтран Хүүхдийн гэх тодотголтой барилга, байгууламжуудын хувьчлалыг эсэргүүцэн хэвлэлийн бага хурал зарлалаа.
12:00 цагт Тусгаар тогтнолын талбай/ хуучнаар Ялалтын талбайд/ Эвлэн мандуулах хүчээс /ЭМХ/ УИХ-д дүн тавих “Түмнээ нэгтгэнэ, Төрөө цэвэрлэнэ, Монголоо мандуулна” сонгогчдын цуглаан болно.
12:00 цагт Хотын захиргаан дээр төрийн дээд одон, медаль, шагнал гардуулах ёслол болно.
Монгол ньюс мэдээллийн төвд
11:00 цагт “Мөнхийн үсэг” ХХК-иас Азийн бүтээмжийн байгууллагын “Загвар байгууллага” болох төсөл хэрэгжүүлж байгаа талаараа мэдээлэл хийнэ.
11:30 цагт Таван хувийн зээл болон банкуудын лообийгоор батлуулсан хуулийн заалтыг ҮХЦ-д өгөх асуудлаар хуульч О.Батхүү хэвлэлийн бага хурал зарлалаа.
12:00 цагт Монголын урлагийн ажилтны холбооноос Төв аймгийн ЗДТГ, ИТХ-тай хамтран зохион байгуулах “Учиртай гурван толгой” дуурийн шилдэг дүр шалгаруулах улсын VII уралдаан, Дархан уул аймгийн ЗДТГ, ИТХ-тай хамтран зохион байгуулах “Дархан их урлаг-2” хөтөлбөрийн талаар мэдээлэл хийнэ.
