09:00 цагт “Барилга хөгжлийн төв”-ийн 5 дугаар давхрын Хурлын танхимд Барилга, хот байгуулалтын яам, Хот, суурины ус хангамж, ариутгах татуургын ашиглалт, үйлчилгээг зохицуулах зөвлөл, Барилгын хөгжлийн төв хамтран “Нийтийн аж ахуйн үйлчилгээний салбарын удирдах ажилтны зөвлөгөөн” болно.
09:00 цагт Контенинтал Зочид буудлын хурлын танхимд Монгол Улсын Хүний эрхийн Үндэсний Комисс, Швейцарын Хөгжлийн Агентлагтай хамтран орон нутгийн сэтгүүлчдэд “Хүний эрхэд суурилсан хандлага ба хэвлэл мэдээлэл” сэдэвт нэг өдрийн сургалтыг зохион байгуулна.
09:00 цагт Корпорейт зочид буудлын 3 дугаар давхрын Эвент Холл хурлын танхимд "Хүнс, хөдөө аж ахуйн салбарын шинжлэх ухаан, технологи, инноваци" Үндэсний чуулган болно. Хөдөө аж ахуйг улс орны эдийн засгийн тулгуур салбар болгоход чиглэгдсэн шинжлэх ухаан, үйлдвэрлэлийн холбоо-инновацийн бүтээгдэхүүн үйлдвэрлэлийг хөгжүүлэх арга зам, үйл ажиллагааг тодорхойлоход чуулганы ач холбогдол оршиж байгаа аж.
10:00 цагт НЗДТГ-ын А танхимд Нийслэлийн ИТХ-ын Тэргүүлэгчдийн хуралдаан болно. Хуралдаанаар Нийслэлийн өмчөөс 2016 онд хувьчлахаар баталсан зарим барилгуудыг хувьчлалын жагсаалтаас хасах, Концессын гэрээ байгуулах, зөвшөөрөл олгох, Нийслэлийн 2016 оны газар зохион байгуулалтын төлөвлөгөөнд өөрчлөлт оруулах, УБ хотын ногоон хөгжлийн стратеги төлөвлөгөөг хэлэлцэнэ.
10:00 цагт НМХГ-аас Дүнжингарав дахь Нийслэлийн үйлчилгээний нэгдсэн төвд зохион байгуулах "Болзошгүй эрсдлээс урьдчилан сэргийлэх нь" сэдэвт өдөрлөгийн нээлтийн үйл ажиллагаа болно. Өдөрлөгийн үеэр барилгын улирал эхэлж байгаатай холбогдуулан үйлдвэрлэлийн болон хөдөлмөрийн аюулгүй байдлыг хэрхэн ханган ажиллах, хөдөлмөрийн аюулгүй байдал, хөдөлмөрийн эрүүл ахуй, нийгмийн хамгааллын чиглэлээр иргэд, аж ахуй нэгж байгууллагад зөвлөгөө мэдээлэл өгнө. Мөн Мэргэжлийн эмч нар эмийн зохистой хэрэглээний талаар зөвлөгөө мэдээлэл өгч, урьдчилан сэргийлэх үзлэгт хамруулах юм.
11:00 цагт "Да Хүрээ" захын "Авто плаза" төвийн зааланд "Нийтийн эрхийг хамгаалах холбоо"-ноос иргэдтэй уулзахаар боллоо. Уулзалтанд авто худалдаа эрхлэгчид болон НӨАТ-ын хуулийг эсэргүүцэж буй бичил худалдаа наймаа эрхлэгчид оролцоно.
11.00 цагт УДБЭТ-ын 2 давхрын фоейнд шинэ уран бүтээл тоглолтуудын талаар мэдээлэл хийнэ.
11.00 цагт Монголыг гадаадад сурталчлах цонх, бизнесийхнийг холбох гүүр "www.news.unitedmongolia.com сайт шинээр үйл ажиллагаагаа эхлүүлж байгаатай холбогдуулж сэтгүүлчдэд мэдээлэл хийнэ. Энэхүү сайтын гол зорилго нь Монголд үйл ажиллагаа явуулах сонирхолтой гадаадын хөрөнгө оруулагч болон гадны хөрөнгө оруулагч хайж буй Монголын бизнес эрхлэгчдийг холбох бөгөөд давуу тал нь Монголыг сонирхсон хэн бүхэнд тухайн улсын хэлээр мэдээллээ түгээхэд оршино.
11:00 цагт Зууны мэдээ сонины Үндэсний мэдээллийн төвд МАХН-аас Л.Цог, Г.Шийлэгдамба нарын асуудлаар мэдээлэл хийнэ.
11:00 цагт МҮХАҮТ-ын 507 тоот хурлын танхимд Мэргэжлийн хяналтын ерөнхий газар болон бусад төрийн байгууллагуудтай хамтран “Махны экспортын төрийн бодлого” хэлэлцүүлэг зохион байгуулагдах гэж байна.
11:30 цагт Зууны мэдээ сонины мэдээллийн төвд АН-ын гишүүд дэмжигчдийн холбооноос сүүлийн үеийн улс төрийн нөхцөл байдлын талаар мэдээлэл хийнэ.
14:00 цагт ГХЯ-ны Зөвшилцөл танхимд "Мэдээллийн цаг" хуралтай.
16:00 цагт "Кемпински" зочид буудлын "Батхаан" танхимд "Нийтийн эрхийг хамгаалах холбоо"-ноос БЗД-ийн гэр хорооллын дахин төлөвлөлтөнд хамрагдсан хороодын иргэдтэй уулзаж үүсээд байгаа нөхцөл байдлын тухай мэдээлэл авах юм.
