УИХ-ын ээлжит бус чуулганаар Монгол Улсад цөмийн хаягдал хаяхыг эсэргүүцэн жагсаж байсан иргэд төрийн ордны баруун хаалган дээр ураны шар нунтагтай төстэй бодис асгаж, эсэргүүцлээ илэрхийлж байгаа талаар бид мэдээлсэн. 

Тэгвэл ураны шар нунтагтай төстэй бодис асгаснаас төрийн ордны баруун талын замыг хааж онцгой байдлын газрынхан, газар дээр нь шуурхай ажиллаж багажаар хэмжилт хийхэд ямар нэгэн бодис илэрээгүй байна.

Тиймээс Онцгой байдлын алба хаагчид тус бодисыг соруулж авч тухайн газрыг ариутгасан. Жагсаал зохион байгуулж, шар нунтагтай төстэй бодис цацсан иргэд ямар ч зөвшөөрөлгүй байсан учраас Ч.Мөнхбаярыг Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхээс Жагсаал цуглаан хийх журмын тухай хуульд заасны дагуу 25 мянган төгрөгөөр торгожээ.