ОХУ-ьш Батлан хамгаалах яам өнгөрсөн мягмар гарагт өөрийн цахим хуудсаараа дамжуулан нохой сармагчин тавыг худалдаж авах зар тавьжээ.      

Сармагчингууд 2010-2011 онд төрсөн, эр, цаг тухайд нь эмчийн үзлэгт хамрагдаж байсан, мал эмнэлгийн гэрчилгээтэй байх шаардлагатай аж.

Нэг сармагчныг 3000 орчим рублээр худалдаж авах юм байна. Эдгээр сармагчныг Киров хотноо байрлах Батлан хамгаалах яамны харьяа Микробиологийн эрдэм шинжилгээний хүрээлэнгийн туршилтад ашиглах аж.

Өнгөрсөн гуравдугаар сарын эхээр тус улсын Батлан хамгаалах яамнаас гурван эр, хоёр эм далайн гахай худалдаж авахаар төлөвлөж буйгаа мэдээлж байсан юм. Хүйтэн дайны үед ЗХУ болон АНУ- ын цэргийн хүчин далайн гахайг шумбагч онгоц болон боомт, усан онгоцнуудын ойролцоох үл мэдэгдэх бодис, сзжигтэй этгээд зэргийг илрүүлэхэд ашиглаж байжээ. АНУ-ын тэнгисийн цэргийн хүчин одоо ч далайн хөхтөн амьтдыг үйл ажиллагаандаа ашигладаг байна.