Монгол Улсын Засгийн газрын 2016 оны 01 дүгээр сарын 11-ний өдөр батлагдсан “Жижиг, дунд үйлдвэрийг дэмжих зарим арга хэмжээний тухай” 37 дугаар тогтоолыг хэрэгжүүлэх ажлын хүрээнд Аж үйлдвэрийн сайдын 2016 оны 03 сарын 22-ны өдрийн 48 дугаар тушаалаар “Жижиг, дунд үйлдвэрийг дэмжих, хөнгөлөлттэй зээл олгох журам”-ыг шинэчлэн баталсан.

   2016 оны 03 сарын 22-ны өдрийн 47 дугаар тушаалаар "Сумын өрхийн бичил бизнесийг дэмжих" зорилгоор санхүүжилт  хуваарилсантай холбогдуулан 2016 оны 04 дүгээр сарын 04-ний өдрөөс эхлэн Сумын өрхийн бичил бизнес эрхлэгч иргэний төслийг тухайн сумын жижиг, дунд үйлдвэр хариуцсан мэргэжилтэн хүлээн авч арилжааны банкинд хүргүүлэн судлуулж шийдвэрийг хуанлийн 35 хоногт багтаан Жижиг, дунд үйлдвэрийг хөгжүүлэх санд ирүүлнэ.

Дэлгэрэнгүй мэдээллийг www.smefund.gov.mn цахим хаягаар болон 51-267887, 62-263028, 62-263029 утаснаас авна уу.

АЖ ҮЙЛДВЭИЙН САЛБАРТ ТӨРИЙН ДЭМЖЛЭГТЭЙ ХЭРЭГЖИХ ТӨСӨЛД ТАВИГДАХ ШАЛГУУР ҮЗҮҮЛЭЛТ

Жижиг, дунд үйлдвэрийн салбарын төсөлд тавигдах шалгуур үзүүлэлтийн жагсаалт

1.     "Жижиг, дунд үйлдвэрийн тухай хууль“-ийн 5 дугаар зүйлд заасан шалгуур үзүүлэлтийг хангасан, жижиг, дунд үйлдвэр эрхлэгчээр бүртгүүлсэн байх;

2.     Аж үйлдвэрийн салбарын бодлого, тэргүүлэх чиглэлд нийцсэн байх;

3.     Татвар, Нийгмийн даатгал болон хугацаа хэтэрсэн зээлийн өргүй, эргэн төлөлт хэвийн байх;

4.     Хуулиар хориглоогүй барьцаа, батлан даалттай байх ба зээлийн барьцаа нь хөдлөх болон үл хөдлөх эд хөрөнгө, бусдын өмчлөлд шилжүүлж болох эд хөрөнгийн эрхийн талаарх мэдээлэл, жагсаалтыг гаргаж ирүүлэх;

5.     Үйлдвэрлэл,    үйлчилгээ, худалдаа эрхлэх техникийн нөхцөл, байгаль орчны болон үйл ажиллагаа явуулахад шаардлагатай холбогдох бусад зөвшөөрлийг авсан байх;

6.     Ажлын   байрыг хадгалсан, нэмэгдүүлсэн, шинээр бий болгох тоог тусгах;

7.     Бараа, бүтээгдэхүүний борлуулалтын зах зээлтэй байх;

8.     Хэрэгжүүлэх төслийн санхүүжилтийн 30-аас доошгүй хувийг өөрийн хөрөнгөөр санхүүжүүлэх чадвартай байх;

9.     Төслийн ерөнхий стандартыг хангах;

Жижиг, дунд үйлдвэрийн салбарын орон нутгийн чанартай төсөлд тавигдах шалгуур үзүүлэлтийн жагсаалт

1. "Жижиг, дунд үйлдвэрийн тухай хууль“-ийн 5 дугаар зүйлд заасан шалгуур үзүүлэлтийг хангасан, жижиг, дунд үйлдвэр эрхлэгчээр бүртгүүлсэн байх;
2. Аж      үйлдвэрийн салбарын бодлого, тэргүүлэх чиглэлд нийцсэн байх;
3. Татвар, Нийгмийн даатгал болон хугацаа хэтэрсэн зээлийн өргүй, эргэн төлөлт хэвийн байх;
4. Хуулиар хориглоогүй барьцаа, батлан даалттай байх ба зээлийн барьцаа нь хөдлөх болон үл хөдлөх эд хөрөнгө, бусдын өмчлөлд шилжүүлж болох эд хөрөнгийн эрхийн талаарх мэдээлэл, жагсаалтыг гаргаж ирүүлэх;
5. Үйлдвэрлэл, үйлчилгээ, худалдаа эрхлэх техникийн нөхцөл, үйл ажиллагаа явуулахад шаардлагатай холбогдох бусад эөвшөөрөлтэй байх;
6. Ажлын байрыг хадгалсан, нэмэгдүүлсэн, шинээр бий болгох тоог тусгах;
7. Бараа, бүтээгдэхүүний борлуулалтын зах зээлтэй байх,үйлдвэрлэлийн хүчин чадал, тоо хэмжээг нэмэгдүүлсэн байх;
8. Хэрэгжүүлэх төслийн санхүүжилтийн 30-аас доошгүй хувийг өөрийн хөрөнгөөр санхүүжүүлэх чадвартай байх, сүүлийн гурван жилийн хугацаанд тогтвортой үйл ажиллагаа явуулсан байх;
9. Төсөл хэрэгжүүлэгч нь тухайн орон нутагт бүртгэлтэй байх;
10. Төслийн ерөнхий стандартыг хангах;