Улаанбаатар хотын Замын цагдаагийн газрын ЖШУХ дээр нийт 316 дуудлага мэдээ мэдээлэл хүлээн авснаас зам тээврийн ослын 227 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 13 бүртгэгдэж, 13 хүн хүнд хөнгөн гэмтсэн байна. Хүүхэд зам тээврийн осолд өртсөн 5 үүнээс сургуулийн өмнөх насны 2, сургуулийн насны 3, согтууруулах ундааны зүйл хэрэглэсэн үедээ хөдөлгөөнд оролцож осолд өртсөн жолооч 1, явган зорчигч 2. Согтуугаар тээврийн хэрэгсэл жолоодсон 68 жолоочийг журамлан гарч болзошгүй осол хэргээс урьдчилан сэргийлсэн байна.
Тухайлбал, ЧД-ийн нутаг 8 шарга захын зүүн замд T.Prius маркийн авто машны жолооч А нь явган зорчигч 05 настай эрэгтэй Л-г мөргөж гэмтээсэн.
ХУД-ийн нутаг Тэлмүүн хотхоны хашаан дотор T.Prius маркийн авто машины жолооч Г нь явган зорчигч 08 настай эрэгтэй А-г мөргөж гэмтээсэн хэргүүд гарчээ.
Урин дулаан цаг ирж байгаатай холбоотойгоор хүүхэд зам тээврийн осолд өртөх тохиолдол их байна. МУ-ын ЗХАБТХ-ийн 13.2.7-д "Эцэг эх, асран хамгаалагч, бүх шатны боловсролын байгууллагын холбогдох албан тушаалтан 0-10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх" гэж заасан байдаг хэдийч эцэг эх асран хамгаалагч нарын хариуцлагагүй байдлаас болж хүүхэд зам тээврийн осолд өртсөөр байна. Өнөөдрөөс эхлэн ерөнхий боловсролын сургуулийн 3 дугаар улиралын амралт дуусч хичээл эхлэж байгаа тул хүүхдийг хараа хяналтгүй замын хөдөлгөөнд оролцуулахгүй байхыг зөвлөж байна.
