УИХ-ын гишүүн Х.Баттулгын Баянгол зочид буудал дахь оффисыг ЦЕГ-ын тусгай албаныхан бүрэн хамгаалалтанд аваад байгаа талаар бид өмнө нь мэдээлсэн. Эх сурвалжийн мэдээлж байгаагаар Х.Баттулгын өрөөнд УИХ-ын гишүүн Л.Эрдэнэчимэг, Д.Ганбат нар байгаа бөгөөд дөнгөж сая Асашёорюү Д.Дагвадорж болон УИХ-ын гишүүн М.Зоригт, Э.Бат-Үүл нар нэмж орсон юм.  Мөн УИХ-ын гишүүн Г.Уянга, Б.Гарамгайбаатар, Олимпын аварга Н.Түвшинбаяр ирээд байна. Дөнгөж сая УИХ-ын гишүүн Ж.Батзандан мөн ирлээ.

ЦЕГ-аас эмх замбараагүй байдал үүсэхээс сэргийлж 500 цагдааг хамгаалалтад гаргахаар дуудсан талаар ЦЕГ-аас мэдээллээ.

Энэ талаар Цагдаагийн ерөнхий газрын албаны эх сурвалжаас тодруулахад "УИХ-ын гишүүн Х.Баттулгын хэрэгт холбогдуулан шалгаж буй "Баялгын хувь", "Түмэн хишигтэн" гэсэн хоёр компанитай холбоотойгоор прокурорын зөвшөөрлийн дагуу нэгжлэг хийж байна. Тусгайгийн ажилтнууд аюулгүй байдлыг хамгаалах зорилгоор ажиллаж байгаа. Энэ талаарх дэлгэрэнгүй мэдээллийг 18,00 цагт өгнө" гэлээ.

Т.Энхэлээ