Нийслэлийн ИТХ-ын тэргүүлэгчид 2014 оны нэгдүгээр сарын 17-нд 07 дугаар тогтоол гаргаж, худалдаа, үйлчилгээний байгууллагуудын мөрдөх журмыг шинэчлэн баталсан юм. Энэ журмын 4.18-д "Худалдаа, үйлчилгээ болон эрүүл мэндийн үйлчилгээ эрхэлж байгаа байгууллага, аж ахуйн нэгж, иргэд нь өөрийн бие засах газраар (ариун цэврийн өрөө) иргэд, үйлчлүүлэгчдэд үнэ төлбөргүй үйлчилнэ” хэмээн тусгасан. Ийм журам батлагдсанаас хойш худалдаа, үйлчилгээний байгууллагууд бие засах газраа үнэ төлбөргүй болгосон билээ.

Гэтэл өнөөдрийн байдлаар “Голд плаза”，“Бөмбөгөр” зэрэг хэд, хэдэн худалдааны төв ариун цэврийн өрөөг нь ашигласан хүн бүрээс 200 төгрөг авч байна. Хачирхалтай нь уг журмыг хэрэгжүүлэхэд ямар ч байгууллага хяналт тавихгүй байгаа аж.

Т.Сар