09:00 цагт Төр засгийн үйлчилгээний “Элит” төвийн хурлын танхимд "Ногоон Ирээдүй" зөгийн аж ахуй эрхлэгчдийн симпозиум болно. Симпозиумын зорилго нь Монголын зөгийн аж ахуйн хөгжлийн чиг хандлага, зөгийчдийн орлогыг тогтвортой болгох арга замыг тодорхойлоход оршино. НҮБ-ийн Хүнс хөдөө аж ахуйн байгууллага, Монголын Зөгийчдийн нийгэмлэг зохион байгуулж байгаа аж.
10:00 цагт Баянзүрх дүүргийн Засаг даргын Тамгын газрын ёслол хүндэтгэлийн танхимд Монгол улсын гавьяат багш, доктор, профессор Нанзадын Цэндийн нэрэмжит “Хүмүүн баялгийн хөгжил” эрдэм шинжилгээний илтгэлийн уралдаан болно.
10:00 цагт МҮХАҮТ-ын хурлын зааланд Нийтийн эрхийг хамгаалах холбооноос Гэр хорооллын дахин төлөвлөлт, Авто худалдааны захуудыг албадан нүүлгэх, НӨАТ-ын асуудлаар нээлттэй форум зохион байгуулах гэж байна. Форумд УИХ-ын 76 гишүүн, НИТХ-ын 45 төлөөлөгч, Гэр хорооллын хөгжлийн газар, Барилгачдын холбоо, барилгын компаниуд иргэд, жижиг дунд бизнес эрхлэгч, Эмнести Интенэшнл зэрэг төрийн болон хувийн хэвшлийн байгууллагууд оролцоно.
10:30 цагт Хангарьд ордоны 14 давхарт БНСУ-ын “Койка”, “With” ТББ, ШУТИС-ын Шим тэжээл судлалын төв, НЭМГ хамтран Халдварын бус өвчлөлөөс урьдчилан сэргийлэх эрүүл мэнд, шим тэжэээлийн боловсрол олгох төслийг хаалтын ажиллагаа болно. 2011-2016 оны хооронд амжилттай хэрэгжүүлсэн уг төслийн хүрээнд ХУД-ийн Нэгдсэн эмнэлэг дээр эмчилгээний хоолны гал тогоо, СХД-ийн ЭМТ, Баянхошуу салбар төв, СХД-ийн Жаргал - Өлзий ӨЭМТ зэрэг байгууллагуудад иргэдэд зориулсан шим тэжээлийн боловсрол олгоход зориулсан иж бүрэн тоног төхөөрөмж бүхий төвийг бий болгон хүлээлгэн өгсөн байна.
11:40 цагт Баянгол дүүргийн 38 дугаар сургуулийн барилгын шав тавих ёслол болно.
14:00 цагт “Жанжин” клубд “Мэргэжил бүхэн сайхан” өдөрлөг болно. Ажил, мэргэжлийн чиг баримжаа олгох, зөвлөгөө өгөх, мэдээллээр хангах үйлчилгээг Монгол Улсын хэмжээнд өргөжүүлж, хөгжүүлэх, энэ үйлчилгээний хүртээмжийг нэмэгдүүлэх зорилготой ЕБС-ийн ахлах ангийн сурагчдад зориулсан өдөрлөгт Соёлын тэргүүний ажилтан Г.Ундармаа, Гэр бүл судлалын доктор Наранбаатар, Хөдөлмөрийн яамны сайд, гишүүд оролцоно.
