Нийслэлийн Засаг даргын дэргэдэх “Захиргааны журмаар эд зүйл хураах, улсын орлого болгох үнэлэх, устгах үйл ажиллагаанд хяналт тавьж хэрэгжилтийг хангуулах үүрэг бүхий Нийслэлийн орон тооны бус зөвлөл”-ийн дэргэдэх “Устгалын комисс”-ын бүрэлдэхүүн, Сонгинохайрхан дүүргийн Мал эмнэлгийн газар хамтран 2016 оны 04 дүгээр сарын 26-ны өдрийн устгалаар 6 чоныг Сонгинохайрхан дүүргийн 26-р хороонд байрлах “Улаанчулуутын хог”-ийн цэгт зориулалтын нүхэнд ариутгал хийн, булж устгалаа.

Өнгөрсөн нэгдүгээр сард Баянгол дүүргийн 14 дүгээр хорооны иргэн Ш овогтой Б-ийн Нийслэлд оруулж ирсэн гурван ширхэг эр, гурван ширхэг эм чоныг тус дүүргийн 16 дугаар хороо, Орхоны 6-18 тоот хашаанд хадгалж байсныг илрүүлэн хураасан. Тэрээр худалдан борлуулах зорилгоор зохих эрхийн бичиг гарал үүслийн гэрчилгээгүйгээр оруулж ирсэн бөгөөд түүнд 6.9 сая төгрөгийн нөхөн төлбөр тооцсон юм.