Ховд-Улаанбаатар чиглэлийн ОМ7056 дугаар аялал гүйцэтгэсэн El-CXV бүртгэлийн дугаар бүхий агаарын хөлөгт гэмтэл гарсан талаар МИАТ компаниас өнөөдөр тайлбар хийлээ.

Тэдний хэлж буйгаар агаарын хөлөг хөөрөлтийн өмнөх гүйлтийн үед 60 knt орчим хурдан дээр чиглэл алдсанаас хөөрөлтийг  зогсоосон юм байна.

Энэ талаар МИАТ компанийн Нислэг техникийн үйл ажиллагааны захирал Н.Ганболд “Нислэгийн багт олон жил ажилласан чадвартай хүмүүс багтсан байсан. Бид В737-800 агаарын хөлөгт үргэлжлүүлэн техникийн үйлчилгээ хийхээр болж, зорчигчдийг Улаанбаатар руу Аэромонголиа ХХК-ийн агаарын хөлгөөр тээвэрлэсэн. Зорчигчдийн хувьд гэмтэж бэртсэн зүйл байхгүй. Эхний 48 зорчигчид өглөө 5:45, дараагийн 42 зорчигчид 8:45 цагт хотод ирсэн” гэлээ.

Одоо техникийн багийнхан Ховдод очсон байгаа бөгөөд хөдөлгүүрийн дотоод дурангийн ажил, хөдөлгүүр, их бие, бусад үндсэн системийн нарийвчилсан үзлэг хийж буй юм байна. Цаашид Ховд руу бага оврын онгоцоор нислэг хийхээр болсноо дуулгасан юм. 

Түүнчлэн тус нислэг Ховд аймгаас 15.58 цагт хөөрөх гэж байгаад 15:59-д саатсан байна. Гэхдээ нисгэгч шуурхай ажиллаж онгоцыг нэг минутыг дараа зогсоосжээ. Нислэг хөөрөлтийн өмнөх гүйлтийн үед хурдан дээр чиглэл алдсаны улмаас саатал үүссэн. Онгоцны гурван нисэгчийн хувьд 20-26 жил ажилласан туршлагатай хүмүүс. Бид энэ онгоцыг Ирланд улсын "Macquire" компаниас 2002 онд шинээр нь түрээслэн авч хэрэглэж байгаа. Өнөөдрийн байдлаар 14 жилийн насжилттай стандарт хангасан онгоц. Уг онгоцыг нэг сарын 200-230 мянган ам.долларын түрээс төлж ашигладаг. Мөн үүнээс гадна техникийн эрсдэлийн зардалд сар тутамд 100-150 мянган ам.доллар төлдөг” гэв.

Мөн энэ үеэр “МИАТ” ХК-ийн зүгээс техникийн дүгнэлт гарсны дараа Ирланд улсын гэрээт компанид ОМ7056 дугаартай Боинг-737/800 онгоцонд үүссэн асуудлыг уламжлахаа мэдэгдсэн юм.