Жүжигчин Р.Баттогтох нас барсан талаар цахим ертөнцөд мэдээлэл гарч эхэллээ. Түүний хувьд жүжигчин хэмээх алдрыг хүртээд 10 гаруй жилийг үдэж, үзэгч олондоо хүндлэгдэн яваа нэгэн билээ. Тиймээс ч Р.Баттогтохыг нас барсан гэх мэдээлэл олны анхаарлыг татаад байгаа юм. Харин чухам үнэндээ нас барсан эсэх нь өнөөдрийг хүртэл тодорхойгүй байна. 

Тэрбээр нэгэнтээ "Зарим найруулагчид тухайн жүжигчнийг эвдсэн, эсрэг төрх бүтээсэн дүрийг өгөх тохиолдол бий. Жүжигчин хүн ийм дүрд илүү дуртай. Учир нь өөрийгөө эвдсэн, ур чадвараа шавхсан дүрийг бүтээх нь чухал. Би ч мөн адил" хэмээн ярьсан нь бий.

Р.Баттогтох хамгийн сүүлд "Муу нүүрт" кинонд дүр бүтээгээд байсан юм. Түүнийг гавьяат жүжигчин, нэвтрүүлэгч Г.Равдан гуайн хүү гэдгийг хүмүүс тэр бүр мэддэггүй бөгөөд нэг гэр бүлээс төрөн гарсан чадварлаг уран бүтээлчид билээ.