09:00 цагт Сонгинохайрхан дүүргийн прокурорын газар, Цагдаагийн 1-р хэлтэстэй хамтарсан Нээлттэй хаалганы өдөрлөгийн арга хэмжээг зохион байгуулах гэж байна. Энэ үеэр дүүргийн прокурор Д.Отгонбаяр тус дүүргийн нутаг дэвсгэр дээр гарсан олны анхаарал татсан зарим хэргүүдийн шийдвэрлэлтийн талаар мэдээлэл хийнэ. Мөн орон гэрээ хулгайд алдсан нэн ядуу иргэнд дүүргийн прокурорын газар, цагдаагийн газар хамтран гэр олгосон талаар мэдээлэл хийнэ.
09:30 цагт Стандартчиллын үндэсний зөвлөлийн хурал Стандартчилал, хэмжил зүйн газрын хурлын танхимд болно. Тус хурлаар Мэдээлэл, харилцаа холбоо, Эрүү мэнд, эмнэлгийн тусламж, Уул уурхай, ашигт малтмалын, Газрын тос, Байгалийн хийн, Төмөр зам, Автозамын, Тохирлын үнэлгээний стандартчиллын техникийн хороодын нийт 74 асуудал хэлэлцэнэ. Тухайлбал, Таних карт, Телевизийн үгэн болон урсдаг мэдээллийн форматад тавих шаардлага, Биологийн идэвхт бүтээгдэхүүн, Үйлдвэрлэлийн болон ахуйн зориулалтаар ашиглах хий, Төмөр замын хэрэглээ, Эрдэс барьцалдуулагчаар бэхжүүлсэн авто замын суурь зэрэг асуудлууд орно.
10:00 цагт Зайсангийн “Цэнгэг усны нөөц, байгаль хамгаалах төв”-ийн хурлын танхимд “Торгоны замын аялал жуулчлал” төслийн нэгжээс аялал жуулчлалын тур оператор байгууллагууд болон салбарынханд зориулан төслийн удирдагч, доктор Д.Гансүх /Ph.D/ “Торгоны замын аялал жуулчлал ба Монгол улс” сэдвээр илтгэл тавих юм.
14:00 цагт Туушигн зочид буудалд Гааль, татварын мэдээллийн технологийн төвөөc “Эрүүл эдийн засаг дахь татварын тогтолцоо” хэлэлцүүлэг зохион байгуулна. Хэлэлцүүлгийн эхний шатанд Эдийн засаг дахь татварын тогтолцоо түүний сорилт, бэрхшээл, уялдаа холбоо, татварын системийн шинэчлэл, МонголУлсын төсвийн орлого бүрдүүлэх механизмд инноваци нэвтрүүлэх талаар хэлэлцэх аж.
Зууны мэдээ сонины Үндэсний мэдээллийн төвд
11:00 цагт Үндсэн хуулийн цэц үндсэн хууль зөрчсөн шийдвэр гаргаж гадаадад ажиллаж амьдарч сурч байгаа монголчуудыг 2016 оны улсын их хурлын сонгуулийг өгөх боломжгүй шийдвэр гаргасны эсэргүүцэж гадаадад төгсөгчид мэдээлэл хийнэ
11:30 цагт Нийслэлийн сонгуулийн хороог шүүхэд өгөх асуудлаар Монголын консерватив намаас мэдээлэл хийнэ.
12:00 цагт Монголын бартаат замын авто спортын холбооноос уламжлал болгон зохион байгуулуулдаг Монголын offroad тамирчдийн ээлжит уралдаан зохион байгуулах талаар мэдээлэл хийнэ.
12:30 цагт Дотоодын үйлдвэрлэгчид баялаг бүтээгчдийн үйлдвэрлэсэн бараа бүтээгдэхүүнийг тендерт хэрхэн худалдаж авч байгаа тухай Үндэсний аж үйлдвэрийн зөвлөл, Баялаг бүтээгчдийг дэмжих холбооноос мэдээлэл хийнэ.
MN-Мэдээллийн төвд
11:00 цагт НЗДТГ, Нийслэлийн биеийн тамир, спортын газраас “Найрсаг Улаанбаатар” хөтөлбөрийн хүрээнд зохион байгуулах “Улаанбаатар марафон-2016” олон улсын гүйлтийн арга хэмжээний талаар мэдээлэл хийнэ.
11:30 цагт Шударга шүүх, хариуцлагатай шүүгчийг хүссэн иргэн М.Болорцэцэг шүүгчийн хууль бус үйлдлийг эсэргүүцсэн тэмцлээ эхлүүлж хэвлэлийн бага хурал зарлалаа.
12:00 цагт Дэлхийн сүүний өдрийг тохиолдуулан “Монгол сүүний нэг өдөр”-ийг тэмдэглэх талаар Монголын сүүний нэгдсэн холбооноос мэдээлэл хийнэ.