Машин, грашийн хаалга, гарц хааж тавиад дугаараа үлдээгээгүй явсан жолоочтой Автотээврийн нэгдсэн лавлахаар дамжуулан холбогдох боломжтой болжээ.

Тодруулбал, 1900-1234 дугаар руу холбогдон дугаараа үлдээгээгүй авто машины улсын дугаарыг хэлснээр таныг лавлахын ажилтан тухайн жолоочтой холбож өгөх юм байна.

Тус лавлах утас өглөөний 08.00 цагаас 20.00 цаг хүртэл иргэдэд үйлчлэх бөгөөд минутад 500 төгрөгийн төлбөртэй аж. Дашрамд дурдахад, уг лавлах утсыг ажиллуулж эхэлснээр өдөрт 300-400 жолооч холбогддог болжээ.