МҮБХ ЗХШТ-тай хамтран 25 дахь жилдээ зохион байгуулсан Бүх цэргийн наадам амжилттай сайхан болж, аймаг, цэргийн цолтой 256 бөх уран мэхийг уралдуулан, хүчийг үзэн барилдсанаас Баянхонгор аймгийн Заг сумын харьяат, Хүч спорт хороо, Аварга БТДС, Их богд дэвжээний бөх, цэргийн начин Дашдоржийн Цэрэнтогтох 8 даван түрүүлж, цэргийн арслан цолны болзол хангалаа.

Архангай аймгийн Цэнхэр сумын харьяат, Хилчин спорт хороо, Малчин телевиз, Бөхбилэгт дэвжээний бөх,  аймгийн арслан Мягмарын Бадарч үзүүрлэж бадрангуй чимэг, Сүхбаатар аймгийн Онгон сумын харьяат, Алдар спорт хороо, Жавхлант дэвжээний бөх, аймгийн хурц арслан Ш.Мөнгөнбаатар, Ховд аймгийн Зэрэг сумын харьяат, Хилчин спорт хороо, Ховд дэвжээний бөх аймгийн арслан Б.Бат-Өлзий нар их шөвөгт шалгарч цогт чимэг нэмцгээлээ.

Архангай аймгийн Батцэнгэл сумын харьяат, Алдар спорт хороо, Бөхбилэгт дэвжээ, Аварга БТДС, Бест буйдан компаний бөх, сумын заан Б.Зоригтбаатар тав даван шөвгөрч цэргийн начин цол хүртсэн бол дунд шөвөгт шалгарсан Сэлэнгэ аймгийн Мандал сумын харьяат, Увснуур дэвжээний бөх аймгийн хурц арслан Н.Жаргалбаяр дэлгэх чимэг, Архангай аймгийн Батцэнгэл сумын харьяат, Алдар спорт хороо Бөхбилэгт дэвжээний бөх, аймгийн арслан Л.Шинэбаатар өсөх чимэг, Завхан аймгийн Баянтэс сумын харьяат, Алдар спорт хорооны бөх, аймгийн арслан Ш.Пүрэвгарьд өрнөх чимэг нэмлээ.

Амжилттай барилдан түрүүлж, үзүүрлэн, шөвгөрч цол, чимэг нэмсэн бөхчүүддээ баяр хүргэж, спортын өндөр амжилт хүсье.

Дөрвийн даваа:

1. а.х.а Б.Ганхуяг – с.з Э.Даваажаргал
2. а.х.а Ш.Мөнгөнбаатар – с.з Т.Дүгэрдорж
3. а.х.а Д.Цэвэлсодном – с.з Б.Зоригтбаатар
4. а.х.а Б.Эрдэнэхүү – ц.н Д.Цэрэнтогтох
5. а.х.а Н.Жаргалбаяр – а.н Б.Батдорж
6. а.х.а Ө.Сүхбат – а.н М.Билгүүдэй
7. а.а М.Бадарч – а.х Н.Хүрэлсүх
8. а.а Д.Анар – а.х Б.Энхсайхан
9. а.а Д.Амаржаргал – а.з Б.Түмэндэмбэрэл
10. а.а Б.Серик – а.з Ч.Эрдэнэсайхан
11. а.а Л.Шинэбаатар – а.а Х.Гантулга
12. а.а Т.Пүрэвсүрэн – а.а П.Батсүх
13. а.а Б.Бат-Өлзий – а.а Д.Тамир
14. а.а Н.Золбоо – а.а А.Давааням
15. а.а Б.Батдорж – а.а Ш.Пүрэвгарьд
16. а.а Х.Оргилболд – а.а Г.Ганням

Тавын даваа:

1. а.х.а Б.Ганхуяг – ц.н Д.Цэрэнтогтох
2. а.х.а Ш.Мөнгөнбаатар – а.а П.Батсүх
3. а.х.а Н.Жаргалбаяр – а.а Х.Оргилболд
4. а.х.а Ө.Сүхбат – с.з Батсүх ЗОРИГТБААТАР /Цэргийн НАЧИН/
5. а.а М.Бадарч – а.з Ч.Эрдэнэсайхан
6. а.а Д.Анар – а.а Л.Шинэбаатар
7. а.а Д.Амаржаргал – а.а Ш.Пүрэвгарьд
8. а.а Б.Бат-Өлзий – а.а Н.Золбоо

Зургаагийн даваа:

1. 1. а.х.а Ш.Мөнгөнбаатар – а.а Л.Шинэбаатар
2. а.х.а Н.Жаргалбаяр – ц.н Д.Цэрэнтогтох /Цэргийн ХАРЦАГА/
3. а.а М.Бадарч – с.з Б.Зоригтбаатар
4. 4. а.а Б.Бат-Өлзий – а.а Ш.Пүрэвгарьд

Долоогийн даваа:

1. 1. а.х.а Ш.Мөнгөнбаатар – ц.н Д.Цэрэнтогтох /Цэргийн ЗААН/
2. а.а М.Бадарч – а.а Б.Бат-Өлзий

Наймын даваа:

1. 1. а.а М.Бадарч – ц.н Д.Цэрэнтогтох /Цэргийн АРСЛАН/