Сонгинохайрхан дүүргийн Эрүүгийн хэргийн анхан шатны шүүхэд өнөөдөр өнгөрсөн оны арванхоёрдугаар сарын 31-ний шөнө эхнэрээ зээ дүүгийнх нь хамт хөнөөсөн хэрэгт буруутгагдсан Хятад улсын иргэн яллагдагч Өргөнталыг шүүж байна. 09.00 цагт эхэлсэн тус хурал түр завсарлаад байна. Улсын яллагч шүүгдэгчид цаазын ял сонсгожээ.

Шүүх бүрэлдэхүүн эргэн хуралдсаны дараа ямар шийдвэр гаргах нь тодорхой болно. Ямартаа ч улсын яллагчийн зүгээс хоёр хүний амийг онц харгис хэрцгий аргаар хөнөөсөн Өргөнтөлд цаазын ял санал болгожээ.

Түүнд прокурорын байгууллагаас Эрүүгийн хуулийн Тусгай ангийн 91.2.2.танхайн сэдэлтээр, 91.2.6.өөр гэмт хэргийг нуун далдлах буюу хялбарчлах зорилгоор, 91.2.12.онц харгис хэрцгий аргаар, 91.2.15.хохирогчийг биеэ хамгаалж чадахгүй байгааг мэдсээр байж, 91.2.16. хоёр буюу түүнээс олон хүнийг санаатай алсан хэрэгт буруутгаж, яллах дүгнэлт үйлдээд байгаа юм.