Таны Фейсбүүк хаяг бандуулчихсан байна уу. Та өмнө нь "Хөх халим" тоглоомын талаар мэдээ, мэдээлэл оруулж бусадтайгаа хуваалцсан уу. Тэгвэл анхаарлаа хандуулаарай. ОХУ-д дэлгэрч буй "Хөх халим" тоглоом нь өсвөр насны хүүхэд залуучуудыг буруу зүйлд уриалан дуудаж байгааг дэлхий нийтээрээ сэрэмжлүүлсээр байгаа.

Зарим улс орнууд Засгийн газрынхаа хэмжээнд сэрэмжлүүлэг гаргажээ. Учир нь уг тоглоом нь олон арван аймшигтай даалгаврыг биелүүлсэний дараа хамгийн сүүлд амиа хорлох даалгаврыг биелүүлдэг нь аюулын харанга дэлдээд буй. Тэгвэл "Хөх халим" тоглоомыг фэйсбүүк, твиттерээрээ сэрэмжлүүлэх үүднээс түгээж байгаа нь энэ тоглоомыг үнэгүй сурталчилж буй сурталчилгаа болж байна хэмээн цахим ертөнцийнхөн үзэж байна.

Тиймээс "Хөх халим" тоглоомын тухай пост, шэйр хийсэн, мөн хайлт хийсэн аккаунтыг түр хугацаагаар хааж байгаа аж. Энэ нь өөрөө тус тоглоомыг олон нийтэд сурталчлахгүй, тоглоомын тухай сонирхохгүй байх хамгийн том сэрэмжлүүлэг болж байгаа аж.