Нийслэлийн Баянзүрх дүүргийн 68 дугаар сургуулийн зургадугаар ангийн сурагч хүү  2017 оны тавдугаар сарын 8-нд  13.00 цагт  хичээлдээ явахаар гэрээсээ гараад сураггүй болсон талаар бид мэдээлсэн билээ.

Тэгвэл хүү өнөөдөр /2017.05.09/ эсэн мэнд олджээ. Энэ талаар дэлгэрэнгүй мэдээллийг Нийслэлийн цагдаагийн газраас удахгүй хүргэх юм байна.

Хүүгийн эгч “Дүүг маань харсан үзсэн хүн байвал холбоо барьж тус болоорой. Өглөө хичээлдээ явахаар гараад ор сураггүй алга болчихлоо. Гар утсыг нь өөр хүн аваад элдвийн юм бичээд байх юм. Цагдаа сэргийлэх гээд хангаагүй газар алга. Өмнө нь хэзээ ч ингэж алга болж байгаагүй хүүхэд” хэмээн өөрийн цахим хуудсандаа бичиж, олон нийтээс тусламж хүсч байсан юм.

Тэгвэл хүүг олдсон талаар тэрбээр мөн "Дүүгээ олчихлоо. Туслаж дэмжсэн та бүхэндаа маш их баярлалаа. Дахиж уулзахгүй байх вий гэж айж байсан юм. Их баярлалаа та нартаа" хэмээн бичжээ.

Б.Батчимэг