Нэгдсэн үндэсний байгууллагын Замын аюулгүй байдлын долоо хоног энэ долоо хоногт тохиож байна. Үүнтэй холбоотойгоор Эрүүл мэндийн сайд, Зам тээвэр хөгжлийн яам, Дэлхийн Эрүүл мэндийн байгууллагын төлөөлөл өнөөдөр мэдээлэл хийлээ. Энэ жил Замын аюулгүй байдлын долоо хоногийг “Хурдаа хасаж, амь насаа аваръя” уриан дор тэмдэглэн өнгөрүүлж байна.

Тус хэвлэлийн хуралд Зам тээврийн хөгжлийн сайд Д.Ганбат: Эрүүл мэндийн сайд Г.Цогцэцэг нар оролцсон юм. Сайд Д.Ганбат “2016 онд  зам тээврийн ослоор 485 хүн нас барсан. Үүнээс 352 орон нутгийн замд осолджээ. Энэ нь хурд хэтрүүлсэнтэй холбоотой. Учир нь сүүлийн жилүүдэд аймгийн төвүүдийг холбосон зам ашиглалтад орсон ч тээврийн хэрэгслийнхээ хурдыг тохируулах явдал алдагдсаар байгаа нь үүнэтэй холбоотой. Судалгаагаар амралтын өдрүүдэд УБ – Дархан-Уул аймгийн зам осол аваар хамгийн их гардаг  нь тогтоогджээ. Тиймээс энэ чиглэлийн хоёр урсгадтай замыг дөрвөн урсгал болгохоор ажлаа эхлүүлснийг энд дуулгаж байна. Мөн манай улсын Замын хөдөлгөөний дүрэм зүүн талаа баримталдаг. Гэвч нийт тээврийн хэрэгслийн 50 орчим хувь нь баруун талдаа жолооны хүрдтэй байна. Эдгээр машины тоог ард иргэддээ дарамт болгохгүйгээр  багасгах мөн гэрлийн өнцгийг нь стандартын хэмжээнд хүргэж, шөнийн цагт замын хөдөлгөөнд оролцоход гялбааг нь бууруулахаар ажиллаж эхэлсэн.

Эрүүл мэндийн сайд А.Цогцэцэг: НҮБ-ээс 4 дэх жилдээ зохион байгуулж байгаа арга хэмжээ зам тээврийн ослыг бууруулахад чухал нөлөөтэй байдаг. Нийт нас баралтын гуравдугаарт зам тээврийн осол ордог. Энэ бол болгоомжгүй, тоомжиргүй, хууль дүрэм биелүүлдэггүй улмаас осолд өртөж байгаа учир нь энэ бол яах аргагүй тулгамдаж байгаа асуудал юм. Жилд 100 гаруй мянган хүний 2000 гаруй хүн нь зам тээврийн ослоор амиа алдаж байна. Энэ бол өндөр тоо. Хурдаа нэг км-ээр багасгахад осол гарах нөхцөлийг 5-6 хувиар бууруулах боломжтой. Осол гэмтлийг бууруулах чиглэлээр яамдууд хооронд хамтарч ажиллаж, үр дүнд хүрч байна. Орон нутгаас тээвэрлэж ирж байгаа иргэдийн онгоцны төлбөрийг 98 хувийг хөнгөлж байгаа. Цагаан сарын үеэр найман эхийн амийг аварсан гэлээ.